اتىراۋ وبلىسىندا بٸر وتباسىنىڭ قازاسىنا قاتىستى اتىشۋلى ٸس بويىنشا تىڭ مەلٸمەت شىقتى. تەرگەۋ بارىسىندا قازا تاپقان جانداردىڭ قىزى ەرٸ كٷدٸكتٸ سۇلتان سەرسەمەليەۆتٸڭ جۇبايى اقبايان مۇقانعاليەۆانىڭ كٸسٸ ٶلٸمٸنە قاتىسى بارى انىقتالماعان, دەپ حابارلايدى Dalanews.kz Kazinform-عا سٸلتەمە جاساپ.
اتىراۋ وبلىسى پروكۋرورىنىڭ كٶمەكشٸسٸ جاندار بولاتبەكتٸڭ ايتۋىنشا, اقبايان مۇقانعاليەۆاعا قاتىستى ادام ٶلتٸرۋ فاكتٸسٸ بويىنشا قىلمىستىق قۇقىقبۇزۋشىلىق بەلگٸلەرٸ تابىلماعان.
“ونىڭ ادام ٶلتٸرۋ دەرەگٸنە قاتىسى بولماعاندىقتان, بۇل باپ بويىنشا قىلمىستىق قۋدالاۋ توقتاتىلدى. الايدا قىلمىس تۋرالى حابارلاماۋ فاكتٸسٸ بويىنشا بٶلەك ٸس تٸركەلدٸ. قازٸرگٸ تاڭدا وعان قۇقىقتىق باعا بەرٸلگەن جوق. اقبايان مۇقانعاليەۆا ٸس بويىنشا كٷدٸكتٸ رەتٸندە تانىلمايدى جەنە وعان قاتىستى بۇلتارتپاۋ شاراسى قولدانىلعان جوق”, – دەدٸ ول.
پروكۋراتۋرا مەلٸمەتٸنشە, ەيەلدٸڭ پسيحيكالىق جاعدايىنا بايلانىستى الماتى قالاسىندا پسيحياترييالىق ساراپتاما جٷرگٸزٸلگەن. الايدا ونىڭ قورىتىندىسى ەزٸرگە تەرگەۋ ورگاندارىنا كەلٸپ تٷسپەگەن.
“ساراپتاما قورىتىندىسى دايىن دەگەن اقپارات بار. بٸراق بٸزگە ەلٸ رەسمي تٷردە جولدانعان جوق. قورىتىندى كەلگەن سوڭ زەردەلەنەدٸ. قاجەت بولعان جاعدايدا قوسىمشا ساراپتاما تاعايىندالۋى مٷمكٸن”, – دەدٸ جاندار بولاتبەك.
سونداي-اق اقبايان مۇقانعاليەۆانىڭ الماتىدان اتىراۋعا قايتارىلىپ, قازٸر وبلىستىق پسيحيكالىق دەنساۋلىق ورتالىعىندا جاتقاندىعى بەلگٸلٸ بولدى.
ال تٶرت ادامنىڭ ٶلٸمٸنە كٷدٸكتٸ دەپ تانىلعان سۇلتان سەرسەمەليەۆكە قاتىستى سوت پروتسەسٸ 18 مامىر كٷنٸ ساعات 11:00-دە ٶتەدٸ. ٸس اشىق فورماتتا قارالادى.
ەسكە سالايىق, بۇعان دەيٸن سۇلتان سەرسەمەليەۆكە قاتىستى سوتقا دەيٸنگٸ تەرگەۋ اياقتالعان ەدٸ. وعان قىلمىستىق كودەكستٸڭ 99-بابى 2-بٶلٸگٸ 1-تارماعى بويىنشا (“ەكٸ نەمەسە ودان دا كٶپ ادامدى ٶلتٸرۋ”), سونداي-اق مال ساتۋ مەن بانك كارتالارىن جىمقىرۋ فاكتٸلەرٸ بويىنشا 188 جەنە 190-باپتارىمەن ايىپ تاعىلعان.
ايتا كەتەيٸك, اتىراۋ وبلىسى جاڭگەلدين اۋىلىندا تۇراتىن وتباسى 2025 جىلدىڭ سوڭىندا بەلگٸسٸز جاعدايدا جوعالىپ كەتكەن. 2026 جىلعى 6 قاڭتاردا شارۋاشىلىق قوراسىنان وتباسى يەسٸ ماقسوت قارابالين مەن ونىڭ جۇبايى نەسٸپ ٶتەشقاليەۆانىڭ مەيٸتتەرٸ تابىلعان. كەيٸن ولاردىڭ دەنەسٸندە پىشاق جاراقاتى بولعانى انىقتالدى.
تەرگەۋ دەرەكتەرٸنە سەيكەس, ناۋرىز مۇقانعاليەۆ 2025 جىلدىڭ مامىر ايىندا كٶز جۇمعان. ال وتباسىنىڭ تاعى ٷش مٷشەسٸ – وتاعاسى, جۇبايى جەنە قىزى قاراشا ايىندا قايتىس بولعان.
9 قاڭتاردا مارقۇمداردىڭ كٷيەۋ بالاسى سۇلتان سەرسەمەليەۆكە ٸزدەۋ جارييالانعانى بەلگٸلٸ بولدى. سول كەزدە قازا تاپقانداردىڭ قىزى اقبايان مۇقانعاليەۆاعا دا كٷدٸكتٸ مەرتەبەسٸ بەرٸلگەن ەدٸ.
كەيٸنٸرەك, 24 اقپاندا سەرسەمەليەۆ پەن مۇقانعاليەۆانىڭ يندونەزيياداعى لومبوك ارالىنداعى سەنارۋ اۋىلىندا ۇستالعانى حابارلاندى. ناۋرىز ايىندا ولار اتىراۋعا جەتكٸزٸلدٸ.
ودان سوڭ پوليتسييا قىزمەتكەرلەرٸ سۇلتان سەرسەمەليەۆتٸ قىلمىس بولعان ٷيگە اپارىپ, تەرگەۋ ەكسپەريمەنتٸن جٷرگٸزگەن. كٷدٸكتٸ سول جەردە قىلمىستى قالاي جاساعانىن كٶرسەتٸپ, تەرگەۋشٸلەردٸڭ سۇراقتارىنا جاۋاپ بەرگەن.
