اتىراۋدا سوڭعى بٸر اپتادان بەرٸ تۇرعىندار اۋا ساپاسىنا بايلانىستى الاڭداۋشىلىق بٸلدٸرٸپ جاتىر. بۇل مەسەلە قوعامدا قىزۋ تالقىلانىپ جاتقان تۇستا جۋرناليست جانات جاقسىبايقىزى ەلەۋمەتتٸك جەلٸدەگٸ پاراقشاسىندا پٸكٸر بٸلدٸردٸ, دەپ حابارلايدى dalanews.kz.
ونىڭ جازۋىنشا, اتىراۋ وبلىسىنىڭ ەكولوگييا دەپارتامەنتٸ ٶڭٸردەگٸ اۋانىڭ لاستانۋىنا اتىراۋ مۇناي جەنە گاز ٶڭدەۋ زاۋىتى سەبەپ بولۋى مٷمكٸن ەكەنٸن مەلٸمدەگەن.
«بٸر اپتادان بەرٸ اتىراۋ حالقى شىرىلداپ جاتىر. بٷگٸن اتىراۋ وبلىسى ەكولوگييا دەپارتامەنتٸ اۋانى لاستاپ وتىرعان اتىراۋ مۇناي جەنە گاز ٶڭدەۋ زاۋىتى دەدٸ», – دەپ جازدى جۋرناليست.
سونداي-اق ول كەسٸپورىنعا ايىپپۇل سالىنعانىمەن, مەسەلەنٸڭ تٷبەگەيلٸ شەشٸلمەي وتىرعانىن اتاپ ٶتتٸ.
«كەسٸپورىن ايىپپۇل تٶلەيدٸ. ۋلاناتىن حالىق. وسىلاي جالعاسا بەرەدٸ», – دەيدٸ جانات جاقسىبايقىزى.
جۋرناليست جازباسىندا بۇل مەسەلە بۇعان دەيٸن دە كٶتەرٸلگەنٸن ەسكە سالدى. ونىڭ ايتۋىنشا, 2023 جىلى تۇرعىندار ەكولوگييالىق جاعدايعا بايلانىستى بەيبٸت ميتينگكە شىققان.
«2023 جىلى بەيبٸت ميتينگكە دە شىققان ەدٸك», – دەپ جازدى ول.
