Atyraýda sońǵy bir aptadan beri turǵyndar aýa sapasyna bailanysty alańdaýshylyq bildirip jatyr. Bul másele qoǵamda qyzý talqylanyp jatqan tusta jýrnalist Janat Jaqsybaiqyzy áleýmettik jelidegi paraqshasynda pikir bildirdi, dep habarlaidy dalanews.kz.
Onyń jazýynsha, Atyraý oblysynyń Ekologiia departamenti óńirdegi aýanyń lastanýyna Atyraý munai jáne gaz óńdeý zaýyty sebep bolýy múmkin ekenin málimdegen.
«Bir aptadan beri Atyraý halqy shyryldap jatyr. Búgin Atyraý oblysy Ekologiia departamenti aýany lastap otyrǵan Atyraý munai jáne gaz óńdeý zaýyty dedi», – dep jazdy jýrnalist.
Sondai-aq ol kásiporynǵa aiyppul salynǵanymen, máseleniń túbegeili sheshilmei otyrǵanyn atap ótti.
«Kásiporyn aiyppul tóleidi. Ýlanatyn halyq. Osylai jalǵasa beredi», – deidi Janat Jaqsybaiqyzy.
Jýrnalist jazbasynda bul másele buǵan deiin de kóterilgenin eske saldy. Onyń aitýynsha, 2023 jyly turǵyndar ekologiialyq jaǵdaiǵa bailanysty beibit mitingke shyqqan.
«2023 jyly beibit mitingke de shyqqan edik», – dep jazdy ol.
