اتىراۋدا ەيەلٸن 12 جاستاعى قىزىنىڭ كٶزٸنشە پىشاقتاپ ٶلتٸرگەن ەر ادام 15 جىلعا باس بوستاندىعىنان ايىرىلدى, دەپ حابارلايدى dalanews.kz.
اتىراۋ وبلىسىنىڭ قىلمىستىق ٸستەر جٶنٸندەگٸ مامانداندىرىلعان اۋدانارالىق سوتىنىڭ مەلٸمەتٸنشە, سوتتالۋشى قر قىلمىستىق كودەكسٸنٸڭ 99-بابى 2-بٶلٸگٸ 5-تارماعى بويىنشا كٸنەلٸ دەپ تانىلىپ, 15 جىلعا باس بوستاندىعىنان ايىرۋ جازاسىنا كەسٸلدٸ. سونداي-اق جەبٸرلەنۋشٸ تاراپتىڭ مورالدىق زيياندى ٶتەۋ تۋرالى ازاماتتىق تالابى قاناعاتتاندىرىلدى.
سوت دەرەگٸنشە, قىلمىس 2026 جىلى وتباسىلىق جانجال كەزٸندە بولعان. ايىپتالۋشى ەيەلٸنە 12 جاستاعى قىزدارىنىڭ كٶزٸنشە 11 رەت پىشاق سۇعىپ, العان جاراقاتتارىنان ەيەل وقيعا ورنىندا كٶز جۇمعان.
سوتتالۋشىنىڭ كٸنەسٸ جەبٸرلەنۋشٸلەر مەن كۋەلاردىڭ ايعاقتارىمەن, سوت ساراپتامالارىنىڭ قورىتىندىلارىمەن, زاتتاي دەلەلدەمەلەرمەن, وقيعا ورنىن قاراۋ حاتتامالارىمەن جەنە ونىڭ كٸنەسٸن تولىق مويىنداۋىمەن دەلەلدەندٸ.
سوت بارىسىندا ايىپتالۋشى قىلمىستى قىزعانىشتان جاساعانىن ايتىپ, كٸنەسٸن تولىق مويىنداپ, مارقۇمنىڭ تۋىستارىنان كەشٸرٸم سۇراعان. پروكۋرور وعان 17 جىل باس بوستاندىعىنان ايىرۋ جازاسىن سۇراعان.
ٷكٸم زاڭدى كٷشٸنە ەنگەن جوق.
