Atyraýda áielin 12 jastaǵy qyzynyń kózinshe pyshaqtap óltirgen er adam 15 jylǵa bas bostandyǵynan aiyryldy, dep habarlaidy dalanews.kz.
Atyraý oblysynyń qylmystyq ister jónindegi mamandandyrylǵan aýdanaralyq sotynyń málimetinshe, sottalýshy QR Qylmystyq kodeksiniń 99-baby 2-bóligi 5-tarmaǵy boiynsha kináli dep tanylyp, 15 jylǵa bas bostandyǵynan aiyrý jazasyna kesildi. Sondai-aq jábirlenýshi taraptyń moraldyq ziiandy óteý týraly azamattyq talaby qanaǵattandyryldy.
Sot dereginshe, qylmys 2026 jyly otbasylyq janjal kezinde bolǵan. Aiyptalýshy áieline 12 jastaǵy qyzdarynyń kózinshe 11 ret pyshaq suǵyp, alǵan jaraqattarynan áiel oqiǵa ornynda kóz jumǵan.
Sottalýshynyń kinási jábirlenýshiler men kýálardyń aiǵaqtarymen, sot saraptamalarynyń qorytyndylarymen, zattai dáleldemelermen, oqiǵa ornyn qaraý hattamalarymen jáne onyń kinásin tolyq moiyndaýymen dáleldendi.
Sot barysynda aiyptalýshy qylmysty qyzǵanyshtan jasaǵanyn aityp, kinásin tolyq moiyndap, marqumnyń týystarynan keshirim suraǵan. Prokýror oǵan 17 jyl bas bostandyǵynan aiyrý jazasyn suraǵan.
Úkim zańdy kúshine engen joq.
