اتىراۋ مۇناي ٶڭدەۋ زاۋىتىنداعى ٶرتكە بايلانىستى قىلمىستىق ٸس تەرگەلٸپ جاتىر, دەپ حابارلايدى dalanews.kz.
اتىراۋ وبلىسىنىڭ تٶتەنشە جاعدايلار دەپارتامەنتٸ اتالعان فاكتٸ بويىنشا قر قىلمىستىق كودەكسٸنٸڭ 292-بابى – «ٶرت قاۋٸپسٸزدٸگٸ تالاپتارىن بۇزۋ» بويىنشا سوتقا دەيٸنگٸ تەرگەۋ جٷرگٸزٸپ جاتىر.
ٶرت 25 تامىزدا جابىق ٷلگٸدەگٸ مەحانيكالىق تازارتۋ قۇرىلىستارىنىڭ تۇندىرعىشىندا بولعان. نىساننىڭ ٸشٸندە مۇناي شلامى جانعان. وقيعا كەزٸندە وندا ەشقانداي جۇمىس جٷرگٸزٸلمەگەن.
زاۋىتتىڭ حابارلاۋىنشا, تٷتٸن تۋرالى اقپارات 25 تامىزدا ساعات 12:55-تە «112» پۋلتٸنە تٷسكەن. نىساننىڭ ەرەكشەلٸگٸ ەسكەرٸلٸپ, تٶتەنشە جاعدايلار مينيسترلٸگٸنٸڭ كٷشتەرٸ وقيعا ورنىنا شاقىرۋدىڭ جوعارى دەرەجەسٸ بويىنشا جٸبەرٸلگەن.
ٶرتتٸ سٶندٸرۋگە تجم-نٸڭ, «سەمسەر ٶرت سٶندٸرۋشٸ» قىزمەتٸنٸڭ, اتما ەۋەجايىنىڭ جەنە NCOC كومپانيياسىنىڭ اپاتتىق-قۇتقارۋ قىزمەتٸنٸڭ شامامەن 65 قىزمەتكەرٸ مەن 19 تەحنيكاسى جۇمىلدىرىلعان. وقيعا ورنىندا جەدەل شتاب جۇمىس ٸستەپ, تارتىلعان كٷشتەر مەن قۇرالداردىڭ ٸس-قيمىلى ٷيلەستٸرٸلگەن.
ٶرت ساعات 13:42-دە وقشاۋلانىپ, جالىننىڭ تارالۋى توقتاتىلعان. كەيٸن ٶرت تولىق سٶندٸرٸلدٸ. زارداپ شەككەندەر جوق.
اتىراۋ وبلىسىنىڭ تجد تەرگەۋ بارىسىنا قاتىستى ٶزگە مەلٸمەتتەردٸ جارييالامادى. ۆەدومستۆو مۇنى قىلمىستىق-پروتسەستٸك كودەكستٸڭ 201-بابىمەن تٷسٸندٸردٸ. اتالعان باپقا سەيكەس, سوتقا دەيٸنگٸ تەرگەپ-تەكسەرۋ دەرەكتەرٸ جارييا ەتۋگە جاتپايدى.
سونىمەن قاتار اتىراۋ مۇناي ٶڭدەۋ زاۋىتىنداعى ٶرتتٸڭ ناقتى سەبەپتەرٸن انىقتاۋ ٷشٸن ارنايى كوميسسييا جۇمىس ٸستەپ جاتىر.
زاۋىتتىڭ مەلٸمەتٸنشە, ٶرت كەسٸپورىننىڭ قالىپتى جۇمىسىنا ەسەر ەتپەگەن.
