پلەنۋمدا وبلىستىق ارداگەرلەر كەڭەسٸنٸڭ تٶراعاسى مۇرات ٶتەشوۆ «رەسپۋبليكالىق ارداگەرلەر ۇيىمىنىڭ VIII سەزٸنٸڭ شەشٸمدەرٸنەن تۋىندايتىن وبلىس ارداگەرلەر ۇيىمدارىنىڭ مٸندەتتەرٸ تۋرالى» بايانداما جاسادى.
– اتىراۋ وبلىسىندا 12 سالالىق ارداگەرلەر ۇيىمدارى قۇرىلىپ, جۇمىس ٸستەۋدە, ولاردىڭ كەيبٸر بۋىندارى اۋدانداردا دا قۇرىلعان. بۇل – ۇيىمدار ەر سالا زەينەتكەرلەرٸنە سوڭعى تالاپتار مەن جاڭالىقتاردى حاباردار ەتٸپ وتىرۋدا, ولاردىڭ مٷددەلەرٸن قورعاۋدا, بۇرىنعى سالا مەكەمەلەرٸمەن بايلانىستارىن ساقتاۋ ٸسٸندەگٸ ٶز تيٸمدٸلٸگٸن كٶرسەتٸپ كەلەدٸ. ەسٸرەسە, بٸلٸم, دەنساۋلىق ساقتاۋ, تەمٸر جول, اۋىل شارۋاشىلىعى سالاسىنداعى ارداگەرلەر ۇيىمدارىنىڭ بەلسەندٸ قىزمەتٸن اتاپ كەتۋگە بولادى, – دەدٸ ول.
سونىمەن قاتار مۇرات ٶتەشوۆ كەڭەس مٷشەلەرٸنٸڭ بۇدان ٶزگە دە كەلەلٸ ٸستەرگە الاسىپ, ەل دامۋىنا, قوعامنىڭ كەمەلدەنۋٸ مەن ۇرپاق تەربيەسٸنە ايرىقشا ٷلەس قوسىپ جاتقانىنا توقتالدى. ونىڭ سٶزٸنشە, وبلىستاعى 71 ارداگەر بٷگٸنگٸ تاڭدا مەدياتور قىزمەتٸن اتقارىپ, ەل ٸشٸندەگٸ وتباسىلىق, تۇرمىستىق داۋ-جانجالدى شەشۋگە بەلسەنە ارالاسۋدا.
جيىندا سٶز العان قر «ارداگەرلەر ۇيىمى» ورتالىق كەڭەسٸنٸڭ تٶراعاسى باقتىقوجا ٸزمۇحامبەتوۆ ارداگەرلەر ۇيىمىنىڭ 35 جىل ٸشٸندە جاساعان ەڭبەكتەرٸنە ايرىقشا توقتالىپ ٶتتٸ.
– وسى جىلدار ٸشٸندە اعا بۋىن قوعامنىڭ تٷرلٸ سالاسىندا ەلٸمٸزدٸڭ دامۋىنا, جاستار تەربيەسٸنە ٷزدٸكسٸز ٷلەستەرٸن قوسىپ كەلەدٸ. ماقساتتارىمىزدى جٷزەگە اسىرۋدا بەلسەندٸلٸك تانىتقان ارداگەرلەرٸمٸز ەرقاشان نازارىمىزدا. ولاردى قۇرمەتتەپ كەلەمٸز. الداعى ۋاقىتتا دا سٸزدەردٸڭ سارا جولدارىڭىزبەن جٷرە وتىرىپ, كەيٸنگٸ تولقىن ٷلكەن جەتٸستٸكتەرگە جەتەدٸ دەپ سەنٸم بٸلدٸرەمٸن, – دەدٸ ول.
ٶز كەزەگٸندە وبلىس ەكٸمٸ ماحامبەت دوسمۇحامبەتوۆ وبلىستىق ارداگەرلەر كەڭەسٸنٸڭ قوعامداعى رٶلٸ مەن اتقارىپ جٷرگەن اۋقىمدى ٸستەرٸن جوعارى باعالادى.
ٶز كەزەگٸندە, قالالىق جەنە بٸرقاتار اۋداندىق ارداگەرلەر كەڭەسٸنٸڭ تٶراعالارى بۇل باعىتتاعى اتقارىلعان جۇمىستارعا توقتالدى.
جيىن سوڭىندا ٶڭٸردٸڭ بٸر توپ قۇرمەتتٸ ازاماتتارى باقتىقوجا ٸزمۇحامبەتوۆ, تٶكەن جۇماعۇلوۆ, قاتيموللا ريزۋانوۆ, قايرات يششانوۆ پەن ەسەنامان دابىسوۆقا «ارداقتى ارداگەر» اتاعى بەرٸلدٸ.
ايتا كەتۋ كەرەك, وبلىستا بارلىعى 62 مىڭنان اسا ارداگەر بولسا, ونىڭ 2 مىڭدايى تىل ارداگەرٸ.
