اتىراۋ وبلىسىنىڭ اكىمى ماحامبەت دوسمۇحامبەتوۆ وتكەن جىلى اتقارىلعان جۇمىستاردىڭ ەسەبىن بەرۋ جينالىسىندا بيىل اتىراۋدا يندۋستريالاندىرۋ كارتاسى اياسىندا 2 جوبا ىسكە قوسىلىپ، 570 جۇمىس ورنى اشىلادى ايتتى، – دەپ حابارلايدى Dalanews.kz اتىراۋ وبلىستىق كوممۋنيكاسيالار قىزمەتىنە سىلتەمە جاساپ.

– يندۋستريالاندىرۋ كارتاسى اياسىندا بيىل جالپى قۇنى 817 ملرد تەڭگەنى قۇرايتىن 2 جوبا ىسكە قوسىلىپ، 570 جۇمىس ورنى اشىلادى، – دەدى ايماق باسشىسى ماحامبەت دوسمۇحامبەتوۆ.

اتاپ ءوتۋ كەرەك، وتكەن جىلى يندۋستريالاندىرۋ كارتاسى اياسىندا، اتىراۋدا​ 7​ جوبا اشىلىپ،​ 580​ جۇمىس ورنى قۇرىلدى.

ولاردىڭ قاتارىندا، «دوكتور حاۋس» ءجشس-نىڭ «مەديسينالىق بەتپەردەلەر ءوندىرىسى»، «بۇيىرعىن» اۋىل شارۋاشىلىعى وندىرىستىك كووپەراتيۆىنىڭ «قۇس ەتىن وندىرەتىن​ فابريكاسى»​ جانە «بەست مودۋل» ءجشس-نىڭ مەتاللدان جاسالعان​ مودۋلدىك عيماراتتارى بار.

ەسكە سالا كەتەلىك، اتىراۋ وبلىسىنىڭ اكىمى ماحامبەت دوسمۇحامبەتوۆ ونلاين فورماتتا ەسەپ بەرۋدە. اكىم ەسەبى «كاسپيان نيۋس»، «اتىراۋ» كانالدارىندا، atyrau.gov.kz سايتى تىكەلەي ەفيردە جانە اكىمدىكتىڭ الەۋمەتتىك جەلىلەرىندەگى رەسمي پاراقشالارىندا كورسەتىلۋدە.