ۆەدومستۆو 3 مامىردا باتىس قازاقستان وبلىسىنان ۇلكەن سۋ اعىنىنىڭ كەلۋىنە بايلانىستى وبلىستا سۋ تاسقىنىنىڭ ەكىنشى تولقىنى وتەتىنىن مالىمدەدى، دەپ حابارلايدى Dalanews.kz.
"ورال وزەنى - ماحامبەت اۋىلى مەن ورال وزەنى - اتىراۋ قالاسىنىڭ گيدرولوگيالىق بەكەتىندە سۋ دەڭگەيىنىڭ ارتۋى كۇتىلۋدە. ءقاۋىپتى بەلگىلەردىڭ ارتۋى جايىق وزەنىنىڭ بويىنداعى ماحامبەت اۋدانىندا (ماحامبەت، تالدىكول) جانە اتىراۋدىڭ (المالى، بەرەكە، ەركىنقالا) اكىمشىلىك اۋماقتارىندا ورنالاسقان ەلدى مەكەندەردى سۋ باسۋىنا اكەلۋى مۇمكىن"، - دەلىنگەن قازگيدرومەت مالىمدەمەسىندە.
اتىراۋ وبلىسى اكىمدىگىنىڭ باسپا ءسوز قىزمەتى حابارلاعانداي، وبلىستا سۋ تاسقىنىنىڭ الدىن الۋ شارالارى باستالىپ كەتتى. ۇزىندىعى 506،7 شاقىرىم بولاتىن قورعانىس بوگەتتەرى سالىنىپ، بەس ميلليونعا جۋىق (4 882 352) قۇم سالىنعان قاپ توسەلدى.
"ورىندالعان جۇمىس كولەمى ناقتى ولشەۋ قورىتىندىسى بويىنشا جاعالاۋ سىزىعىنىڭ جالپى ۇزىندىعىن ۇلعايتۋ ەسەبىنەن 95،5 پايىزدى قۇرايدى (باستاپقىدا كارتوگرافيالىق دەرەكتەر بويىنشا جوسپارلانعان ۇزىندىعى 105 شاقىرىمدى قۇرادى). جايىق وزەنىنىڭ ۇلكەن اعىسىن اتىراۋعا قاراي تۇسىرۋگە ارنالعان نەگىزگى ارنالاردىڭ ءبىرى "سوكولوك" كانالىندا جاعالاۋدى نىعايتۋ جۇمىستارى تولىعىمەن اياقتالدى"،-دەپ حابارلادى اتىراۋ وبلىسى اكىمدىگىنىڭ باسپا ءسوز قىزمەتى.
"سوكولوك" كانالىنىڭ وتكىزۋ قابىلەتى سەكۋندىنا شامامەن 100 تەكشە مەتر سۋدى قۇرايدى. كانالدىڭ ەرەكشەلىگى – ول جايىق وزەنى مەن كاسپيي تەڭىزىن قوسىپ، قالانى اينالىپ وتەدى. ونىڭ ۇزىندىعى – 32 شاقىرىم.
سوكولوك كانالىنىڭ وتكىزۋ قابىلەتى سەكۋندىنا شامامەن 100 تەكشە مەتر سۋدى قۇرايدى. كانالدىڭ ارتىقشىلىعى - جايىق وزەنى مەن كاسپيي تەڭىزىن قوسادى، قالانى اينالىپ وتەدى، ۇزىندىعى 32 شاقىرىمدى قۇرايدى.
"سوكولوك كانالىنىڭ باستاپقى جوسپارى بۇرىننان بار كانالدى بوگەتتەرمەن نىعايتۋ بولاتىن، ءبىراق ساراپتامادان كەيىن ەسكى كانالعا پاراللەل جاڭا كانال قازۋ تۋرالى شەشىم قابىلداندى، ويتكەنى ونىڭ باتپاقتى جەرلەرى كوپ جانە ولارعا تەحنيكانىڭ قولجەتىمدىلىگى شەكتەۋلى بولدى. جاڭا ارنانىڭ ءوز بوگەنى بار، ول بارلىق ستاندارتتار بويىنشا نىعىزدالعان، ونىڭ بيىكتىگى بالتىق بەلگىسى بويىنشا 21 مەتر"،-دەپ حابارلادى اتىراۋ وبلىسىنىڭ اكىمدىگى.
