Vedomstvo 3 mamyrda Batys Qazaqstan oblysynan úlken sý aǵynynyń kelýine bailanysty oblysta sý tasqynynyń ekinshi tolqyny ótetinin málimdedi, dep habarlaidy Dalanews.kz.
"Oral ózeni - Mahambet aýyly men Oral ózeni - Atyraý qalasynyń gidrologiialyq beketinde sý deńgeiiniń artýy kútilýde. Qaýipti belgilerdiń artýy Jaiyq ózeniniń boiyndaǵy Mahambet aýdanynda (Mahambet, Taldykól) jáne Atyraýdyń (Almaly, Bereke, Erkinqala) ákimshilik aýmaqtarynda ornalasqan eldi mekenderdi sý basýyna ákelýi múmkin", - delingen Qazgidromet málimdemesinde.
Atyraý oblysy ákimdiginiń baspasóz qyzmeti habarlaǵandai, oblysta sý tasqynynyń aldyn alý sharalary bastalyp ketti. Uzyndyǵy 506,7 shaqyrym bolatyn qorǵanys bógetteri salynyp, bes millionǵa jýyq (4 882 352) qum salynǵan qap tóseldi.
"Oryndalǵan jumys kólemi naqty ólsheý qorytyndysy boiynsha jaǵalaý syzyǵynyń jalpy uzyndyǵyn ulǵaitý esebinen 95,5 paiyzdy quraidy (bastapqyda kartografiialyq derekter boiynsha josparlanǵan uzyndyǵy 105 shaqyrymdy qurady). Jaiyq ózeniniń úlken aǵysyn Atyraýǵa qarai túsirýge arnalǵan negizgi arnalardyń biri "Sokolok" kanalynda jaǵalaýdy nyǵaitý jumystary tolyǵymen aiaqtaldy",-dep habarlady Atyraý oblysy ákimdiginiń baspasóz qyzmeti.
"Sokolok" kanalynyń ótkizý qabileti sekýndyna shamamen 100 tekshe metr sýdy quraidy. Kanaldyń ereksheligi – ol Jaiyq ózeni men Kaspii teńizin qosyp, qalany ainalyp ótedi. Onyń uzyndyǵy – 32 shaqyrym.
Sokolok kanalynyń ótkizý qabileti sekýndyna shamamen 100 tekshe metr sýdy quraidy. Kanaldyń artyqshylyǵy - Jaiyq ózeni men Kaspii teńizin qosady, qalany ainalyp ótedi, uzyndyǵy 32 shaqyrymdy quraidy.
"Sokolok kanalynyń bastapqy jospary burynnan bar kanaldy bógettermen nyǵaitý bolatyn, biraq saraptamadan keiin eski kanalǵa parallel jańa kanal qazý týraly sheshim qabyldandy, óitkeni onyń batpaqty jerleri kóp jáne olarǵa tehnikanyń qoljetimdiligi shekteýli boldy. Jańa arnanyń óz bógeni bar, ol barlyq standarttar boiynsha nyǵyzdalǵan, onyń biiktigi Baltyq belgisi boiynsha 21 metr",-dep habarlady Atyraý oblysynyń ákimdigi.
