اتىراۋ وبلىسىنىڭ جىلىوي اۋدانىندا 2016 جىلى 605 ميلليون تەڭگەگە سالىنعان 160 ورىندىق «بالدەۋرەن» بالاباقشاسى اپاتتى جاعدايدا دەپ تانىلىپ, سٷرٸلەتٸن بولدى,- دەپ حابارلايدى Dalanews.kz اقجايىق باسىلىمىنا سٸلتەمە جاساپ.
شوقپارتوعاي اۋىلىنداعى جاڭا بالاباقشا پايدالانۋعا بەرٸلگەن سوڭ كٶپ ۇزاماي-اق قابىرعالارىندا جارىقتار پايدا بولا باستاعان. مەردٸگەر كومپانييا — «اتىراۋرەمسترويمونتاج» جشس بٸرنەشە مەرتە جٶندەۋ جۇمىستارىن جٷرگٸزگەنٸمەن, ٸرگەتاستىڭ شٶگۋٸنە توسقاۋىل بولا المادى. 2022 جىلى عيمارات اپاتتى دەپ تانىلىپ, تولىقتاي جابىلدى.
قۇرىلىسقا جۇمسالعان 605 ميلليون تەڭگە — حالىققا تيەسٸلٸ قاراجات. بٸراق بالاباقشانىڭ قيراۋىنا ناقتى نە سەبەپ بولعانى ەلٸ كٷنگە دەيٸن انىقتالماعان. رەسمي تەرگەۋ باستالدى ما, كٸنەلٸلەر جاۋاپقا تارتىلدى ما — بۇل تۋرالى ەشقانداي اقپارات جوق.
بەيرەسمي بولجامدار بويىنشا, عيماراتتىڭ شٶگۋٸنە جەر تەلٸمٸنٸڭ دۇرىس تاڭدالماۋى نەمەسە قادالاردىڭ قاعىلماي قالۋى سەبەپ بولۋى مٷمكٸن. بٸراق بۇل – تەك بولجام. ال ەل قارجىسى جەلگە ۇشىپ جاتقاندا, ناقتى قورىتىندى مەن جاۋاپتى تۇلعالار جايلى ٷنسٸزدٸك — بۇل مەسەلەنٸ ودان ەرٸ كٷردەلەندٸرەدٸ.
"بالاباقشا جابىلعانىنا ٷش جىل بولدى. 20 بالا قۇلسارىداعى بالاباقشالارعا اۋىستىرىلدى, مەكتەپ جانىنان 82 بالاعا ارنالعان شاعىن توپتار اشىلدى. كەيبٸر بالالار ٷيٸندە وتىر. دەگەنمەن سۇرانىس ارتىپ كەلەدٸ, حالىق بالاباقشانىڭ قايتا اشىلعانىن قالايدى", – دەدٸ اۋداندىق بٸلٸم بٶلٸمٸ باسشىسىنىڭ مٸندەتٸن اتقارۋشى گٷلجانسارا تاڭاتاروۆا.
جىلىوي اۋدانى ەكٸمٸنٸڭ ورىنباسارى گٷلنافيس ايشۋاقوۆانىڭ ايتۋىنشا, بالاباقشا عيماراتى اۋداندىق بٸلٸم بٶلٸمٸنٸڭ بالانسىندا تۇر. تەحنيكالىق ساراپتامادان كەيٸن عيماراتتى بۇزۋ تۋرالى تٷپكٸلٸكتٸ شەشٸم قابىلدانعان.
ال اۋىلدا دەل سول "تەڭٸزشەۆرويل" جشس-نٸڭ قولداۋىمەن جاڭا بالاباقشا سالۋ جۇمىستارى باستالىپتى. بۇل جولى 280 ورىندىق بالاباقشا, كەلەسٸ جىلى پايدالانۋعا بەرٸلەدٸ دەپ جوسپارلانعان.
ال بۇرىنعى بالاباقشاعا جۇمسالعان 605 ميلليون تەڭگە جەلگە ۇشتى.
