اتىراۋ جاستارى ماڭعىستاۋلىقتارعا «ماڭگىلىك ەل» كىتابىن تابىس ەتتى

Dalanews 17 قار. 2016 08:57 463

 

 

اتىراۋ وبلىسىنىڭ جاستارى ماڭعىستاۋلىق زامانداستارىنا «ماڭگىلىك ەل» كىتابىن تابىس ەتتى. سالتاناتتى شارا بۇگىن، 15 قاراشادا ەل تاۋەلسىزدىگىنىڭ 25 جىلدىعىنا ارنالعان «مەنىڭ ەلىم – ماڭگىلىك ەل» اتتى رەسپۋبليكالىق جاستار اكسياسى اياسىندا ءوتتى. 

 

ايتا كەتەلىك، «ماڭگىلىك ەل» كىتابىندا تاۋەلسىزدىك جىلدارىنداعى قازاقستان جاستارىنىڭ جەتىستىكتەرى مەن ولاردىڭ ق ر پرەزيدەنتىنە  ۇندەۋلەرى جازىلعان. 

 

ءىس-شارادا ءسوز العان وبلىس اكىمى نۇرلان نوعايەۆ:

- ەلىمىزدىڭ دامۋىنا جاستاردىڭ قوسقان ۇلەسى وراسان زور. ولاردىڭ جالىنى مەن جىگەرى وتانىمىزدىڭ وركەندەپ، دامي ءتۇسۋىنىڭ كەپىلى. ەلباسىمىز نۇرسۇلتان نازاربايەۆ ۇرپاققا دۇرىس تاربيە، ساپالى ءبىلىم بەرۋ ماسەلەسىنە كوپ كوڭىل بولەدى. ونىڭ مۇرىندىق بولۋىمەن قازاقستاندا «بولاشاق» باعدارلاماسى ىسكە قوسىلدى. باعدارلاما ارقىلى الىس-جاقىن شەتەلدەردە ءبىلىم شىڭداپ، عىلىم مەڭگەرگەن ازاماتتار قازاقستاننىڭ ءار سالاسىندا الدىڭعى قاتاردا قىزمەت ەتىپ كەلەدى. سولاردىڭ ءىزىن جالعاپ، الەمدىك باسەكەگە قابىلەتتى مامان بولۋ سىزدەردىڭ ەنشىلەرىڭىزدە، - دەدى نۇرلان نوعايەۆ. 

 

شارا سوڭىندا ماڭعىستاۋ وبلىسىنىڭ جاستارىنا «ماڭگىلىك ەل» كىتابى تابىس ەتىلدى. اتىراۋلىق جاستار ەستافەتانى بۇعان دەيىن قىزىلوردالىق زامانداستىرىنان قابىلداپ العان.

 

جيىنعا قاتىسۋشىلار ش.سارييەۆ اتىنداعى ونەر مۋزەيى مەن تاريحي ولكەتانۋ مۇراجايىنىڭ كورمەسىن دە تاماشالادى. وندا ەل تاريحىنان سىر شەرتەتىن دەرەكتەر، قولونەرشىلەردىڭ كورمە بۇيىمدارى مەن فوتوكارتينالار بولدى. 


«ماڭگىلىك ەل» جالپۇلتتىق پاتريوتتىق يدەياسى مەن ونىڭ قۇندىلىقتارىن جاستارعا ناسيحاتتاپ، تاۋەلسىز قازاقستاننىڭ قالىپتاسۋىنا ولاردىڭ قوسقان ۇلەسىن كورسەتۋدى ماقسات قىلعان يگى باستاما قازاقستاننىڭ بارلىق ايماقتارىندا جالعاسىپ، ق ر تۇڭعىش پرەزيدەنتى كۇنى قورىتىندىلانباق.


اتىراۋ وبلىسى اكىمىنىڭ باسپا ءسوز قىزمەتى

ۇسىنىلعان
سوڭعى جاڭالىقتار