Atyraý oblysynyń jastary mańǵystaýlyq zamandastaryna «Máńgilik El» kitabyn tabys etti. Saltanatty shara búgin, 15 qarashada El Táýelsizdiginiń 25 jyldyǵyna arnalǵan «Meniń elim – Máńgilik El» atty respýblikalyq jastar aktsiiasy aiasynda ótti.
Aita ketelik, «Máńgilik El» kitabinda táýelsizdik jyldaryndaǵy Qazaqstan jastarynyń jetistikteri men olardyń QR Prezidentine úndeýleri jazylǵan.
Is-sharada sóz alǵan oblys ákimi Nurlan Noǵaev:
- Elimizdiń damýyna jastardyń qosqan úlesi orasan zor. Olardyń jalyny men jigeri Otanymyzdyń órkendep, dami túsýiniń kepili. Elbasymyz Nursultan Nazarbaev urpaqqa durys tárbie, sapaly bilim berý máselesine kóp kóńil bóledi. Onyń muryndyq bolýymen Qazaqstanda «Bolashaq» baǵdarlamasy iske qosyldy. Baǵdarlama arqyly alys-jaqyn shetelderde bilim shyńdap, ǵylym meńgergen azamattar Qazaqstannyń ár salasynda aldyńǵy qatarda qyzmet etip keledi. Solardyń izin jalǵap, álemdik básekege qabiletti maman bolý sizderdiń enshilerińizde, - dedi Nurlan Noǵaev.
Shara sońynda Mańǵystaý oblysynyń jastaryna «Máńgilik El» kitabi tabys etildi. Atyraýlyq jastar estafetany buǵan deiin qyzylordalyq zamandastyrynan qabyldap alǵan.
Jiynǵa qatysýshylar Sh.Sariev atyndaǵy óner mýzeii men tarihi ólketaný murajaiynyń kórmesin de tamashalady. Onda el tarihynan syr shertetin derekter, qolónershilerdiń kórme buiymdary men fotokartinalar boldy.
«Máńgilik el» jalpulttyq patriottyq ideiasy men onyń qundylyqtaryn jastarǵa nasihattap, táýelsiz Qazaqstannyń qalyptasýyna olardyń qosqan úlesin kórsetýdi maqsat qylǵan igi bastama Qazaqstannyń barlyq aimaqtarynda jalǵasyp, QR tuńǵysh Prezidenti kúni qorytyndylanbaq.
Atyraý oblysy ákiminiń baspasóz qyzmeti
