استانادا «ەنەرگەتيكالىق جەنە كوممۋنالدىق سەكتورلاردى جاڭعىرتۋ» جٶنٸندەگٸ ۇلتتىق جوبا اياسىندا جىلۋ جەنە ەلەكتر جەلٸلەرٸ نىساندارىن جاڭارتۋ بويىنشا بٸردەن بٸرنەشە جوبانى ٸسكە اسىرۋ باستالدى. بۇل جۇمىستاردىڭ جالپى قۇنى 4,5 ملرد تەڭگەدەن اسادى, دەپ حابارلايدى dalanews.kz.
جۇمىستار كوممۋنالدىق قىزمەتتەردٸڭ ساپاسىن ارتتىرۋعا جەنە ەلوردانىڭ ينفراقۇرىلىمدىق دايىندىعىن قامتاماسىز ەتۋگە باعىتتالعان.
«استانا-تەپلوترانزيت» اق جالپى قۇنى 870 ملن تەڭگە بولاتىن ەكٸ جوبانى ٸسكە اسىرۋدا. جىلىتۋ ماۋسىمى باستالعانعا دەيٸن ق.مۇحامەدحانوۆ كٶشەسٸنٸڭ بويىنداعى ۇزىندىعى 492 مەتر بولاتىن ديامەترٸ 400 مم جىلۋ تراسساسىنىڭ قۇرىلىسىن اياقتاۋ جوسپارلانعان. نىسان قالانىڭ قارقىندى بوي كٶتەرٸپ كەلە جاتقان اۋدانىندا ورنالاسقان, وندا ينجەنەرلٸك جەلٸلەرگە جٷكتەمەنٸڭ ٶسۋٸ بايقالادى. جىلۋ ماگيسترالٸنٸڭ ٸسكە قوسىلۋى جاڭا كۆارتالداردىڭ تۇرعىندارىن جىلۋمەن تۇراقتى قامتاماسىز ەتەدٸ.
ەكٸنشٸ نىساندا ۇزىندىعى 347 مەتر بولاتىن جم-12 جىلۋ تراسساسىنىڭ بٶلٸگٸ جٶندەلٸپ جاتىر. بۇل جاڭارتۋ جۇمىستارى جەلٸلەردٸڭ توزۋىن ازايتىپ, قىستا اياز كٷشەيگەن كەزدە قالانى جىلۋمەن تۇراقتى قامتاماسىز ەتۋگە مٷمكٸندٸك بەرەدٸ. وسى ەكٸ جوباعا سالىناتىن ينۆەستيتسييانىڭ جالپى كٶلەمٸ 870 ميلليون تەڭگەدەن اسادى.
ال «استانا-ٶەك» اكتسيونەرلٸك قوعامى ارقىلى ەلەكتر تاراتۋ جەلٸلەرٸن كەزەڭ-كەزەڭٸمەن جاڭارتۋ جۇمىستارى جٷرٸپ جاتىر. جوبانىڭ بٸرٸنشٸ كەزەڭٸندە 1,4 ميلليارد تەڭگەگە 7,08 شاقىرىم جەلٸنٸ جاڭارتۋ جوسپارلانعان. بۇعان قوسا, تٶرتٸنشٸ كەزەڭ اياسىندا قۇنى 200 ميلليون تەڭگە بولاتىن تاعى 9,59 شاقىرىم ەلەكتر جەلٸسٸ جٶندەلەدٸ.
سۋمەن جابدىقتاۋ سالاسى بويىنشا «استانا سۋ ارناسى» مكك دوسمۇحامەدۇلى كٶشەسٸنٸڭ بويىمەن, اقجول كٶشەسٸنەن الاش داڭعىلىنا دەيٸنگٸ ارالىقتا تەحنيكالىق سۋ قۇبىرىن جٶندەۋگە كٸرٸستٸ. قۇنى 2,47 ميلليارد تەڭگە بولاتىن بۇل جوبا اياسىندا 3 شاقىرىمنان استام سۋ جەلٸسٸ جاڭارتىلادى. جۇمىستار تولىق اياقتالعاننان كەيٸن ەلوردانىڭ وسى اۋدانىنداعى نەگٸزگٸ ينفراقۇرىلىمنىڭ جاعدايى جاقسارادى.
بۇل جوبالاردى ٸسكە اسىرۋ استانانىڭ كوممۋنالدىق جٷيەلەرٸن تۇراقتاندىرۋعا, اپاتتاردىڭ الدىن الۋعا جەنە قالا تۇرعىندارىنا كٶرسەتٸلەتٸن قىزمەت ساپاسىن ارتتىرۋعا باعىتتالعان.
ەسكە سالايىق, «ەنەرگەتيكالىق جەنە كوممۋنالدىق سەكتورلاردى جاڭعىرتۋ» ۇلتتىق جوباسى رەسپۋبليكا بويىنشا 2029 جىلعا دەيٸن ٸسكە اسىرىلادى. جوبا كوممۋنالدىق ينفراقۇرىلىمنىڭ توزۋىن 40%-عا دەيٸن تٶمەندەتۋگە جەنە اپات قاۋپٸن 20% قىسقارتۋعا باعىتتالعان. ۇلتتىق جوبانى ٸسكە اسىرۋ نەتيجەسٸندە كوممۋنالدىق قىزمەتتەردٸڭ ساپاسى مەن تۇراقتىلىعىن ارتتىرۋ, تازا سۋ جەنە ەكولوگييانى جاقسارتۋ جوسپارلانعان.
