استانا قالاسىنداعى №9 «زەردە» مامانداندىرىلعان ليتسەيٸنٸڭ 11-سىنىپ وقۋشىسى ايالا ماحانبەتەلٸ ەلەمنٸڭ جەتەكشٸ ون ۋنيۆەرسيتەتٸنەن بٸردەن رەسمي شاقىرتۋ الدى, دەپ حابارلايدى Dalanews.kz.
ەرەكشە جەتٸستٸك تۋرالى ەلوردانىڭ رەسمي پاراقشاسى جازدى. بۇل شاقىرتۋلار تالاپكەردٸڭ جەكە ٶتٸنٸشٸ نەگٸزٸندە ەمەس, جوعارى وقۋ ورىندارىنىڭ ٶز باستاماسىمەن جولدانعان.
شاقىرتۋ جولداعان ۋنيۆەرسيتەتتەردٸڭ قاتارىندا Ivy League قۇرامىنا كٸرەتٸن Harvard University مەن Brown University, سونداي-اق University of Cambridge, Stanford University, Massachusetts Institute of Technology (MIT) جەنە ەلەمدٸك بەدەلدٸ رەيتينگتەردە كٶش باستاپ تۇرعان ٶزگە دە الدىڭعى قاتارلى جوعارى وقۋ ورىندارى بار.
باستى ەرەكشەلٸگٸ – ۋنيۆەرسيتەتتەردٸڭ وقۋشىنىڭ اكادەمييالىق جەنە زەرتتەۋشٸلٸك ەلەۋەتٸن الدىن الا جان-جاقتى سارالاپ, سونىڭ نەگٸزٸندە وقۋعا شاقىرعان. مۇنداي تەجٸريبە ەلەمدٸك جوعارى بٸلٸم بەرۋ كەڭٸستٸگٸندە سيرەك كەزدەسەدٸ جەنە تالاپكەرگە كٶرسەتٸلگەن جوعارى سەنٸمنٸڭ ايقىن دەلەلٸ سانالادى.
وقۋشىعا ۇسىنىلعان قارجىلىق قولداۋدىڭ جالپى كٶلەمٸ 2 ميلليون اقش دوللارىن قۇرايدى. اتالعان قاراجات وقۋ شىعىندارىن تولىق نەمەسە ٸشٸنارا ٶتەۋگە مٷمكٸندٸك بەرەدٸ.
ايالانىڭ اكادەمييالىق جولى 8-سىنىپتان باستاۋ الادى. وسى ۋاقىت ارالىعىندا ول حالىقارالىق بٸلٸم بەرۋ باعدارلامالارىنا, اكادەمييالىق جەنە عىلىمي-زەرتتەۋ جوبالارىنا تۇراقتى تٷردە قاتىسىپ كەلەدٸ. ۋنيۆەرسيتەتتەردەن رەسمي شاقىرتۋ العانعا دەيٸن ول ەرتٷرلٸ ەلدەردەن كەلگەن قاتىسۋشىلارمەن بٸرلەسٸپ حالىقارالىق جوبانى ٸسكە اسىرىپ, ونى پراكتيكالىق دەڭگەيدە جٷزەگە اسىرا بٸلدٸ. جوبا ينۆەستيتسييا تارتىپ, ناقتى نەتيجەگە قول جەتكٸزگەن.
قازٸرگٸ تاڭدا ايالا كانادادا ورنالاسقان كومپانييادا وسى جوبا اياسىندا جۇمىس ٸستەپ, مەكتەپتەگٸ وقۋىن كەسٸبي قىزمەتپەن قاتار الىپ جٷر. سونىمەن قاتار, ول 11-سىنىپ وقۋشىسى بولا تۇرا, ۋنيۆەرسيتەتتٸك كۋرستاردان ٶتٸپ, بولاشاقتا ەسەپتەلەتٸن اكادەمييالىق كرەديتتەردٸ الدىن الا مەڭگەرۋدە.
بۇل جەتٸستٸك ەلەمنٸڭ جەتەكشٸ ۋنيۆەرسيتەتتەرٸنٸڭ زاماناۋي ۇستانىمىن ايقىن اڭعارتادى. بٷگٸندە ولار تەك ٷزدٸك تالاپكەرلەردٸ ٸرٸكتەۋمەن شەكتەلمەي, اكادەمييالىق ەلەۋەتٸ جوعارى مەكتەپتەرمەن تٸكەلەي سەرٸكتەستٸك ورناتۋعا ەرەكشە مەن بەرٸپ وتىر.
