استانادا داريعا نازارباەۆانىڭ بۇرىنعى زەۋلٸم ٷيٸ تولىقتاي سٷرٸلٸپ, ونىڭ ورنىنا جاڭا تۇرعىن ٷي كەشەنٸ بوي كٶتەرمەك, دەپ حابارلايدى Dalanews.kz.
سۋ جاعاسىندا ورنالاسقان بۇل ٷي كەزٸندە جاياۋ جٷرگٸنشٸلەر ٷشٸن جابىق اۋماق بولعان. سەرۋەندەۋگە شىققان ادامدار سول اۋماقتى اينالىپ ٶتۋگە مەجبٷر ەدٸ. ەندٸ عيماراتتىڭ بۇزىلۋىمەن جاعالاۋ ايماعى تولىق اشىلىپ, قالا تۇرعىندارىنا قولجەتٸمدٸ بولدى.
الدىن الا مەلٸمەتتەرگە سەيكەس, جاڭا تۇرعىن ٷي كەشەنٸ «Swiss Collection» دەپ اتالۋى مٷمكٸن. جەلٸدە تاراعان بەينەروليكتە ول پرەميۋم ساناتتاعى ەليتالىق جوبا رەتٸندە تانىستىرىلعان. ساراپشىلار پەتەر قۇنى جٷزدەگەن ميلليون تەڭگەگە جەتۋٸ ىقتيمال ەكەنٸن ايتادى.
قازٸرگٸ ۋاقىتتا قۇرىلىس الاڭىندا جۇمىستار باستالعان. جوبانىڭ سەۋلەتتٸك ەرەكشەلٸكتەرٸ مەن قاشان اياقتالاتىنى تۋرالى ناقتى اقپارات ەلٸ جارييالانعان جوق. دەگەنمەن, بۇرىنعى عيماراتتىڭ سٷرٸلٸپ, جاعالاۋدىڭ حالىققا اشىلۋى استانالىقتار ٷشٸن جاعىمدى جاڭالىققا اينالدى.
