استانا قالاسىنىڭ مەسليحاتى ەلوردانىڭ باس جوسپارىنا ەنگٸزٸلگەن ٶزگەرٸستەردٸ ماقۇلداپ, بولاشاق حالىقارالىق ەۋەجاي سالىناتىن اۋماقتى بەكٸتتٸ, دەپ حابارلايدى dalanews.kz.
بۇل تۋرالى جۋرناليست ەركانات كٶپجاسارۇلى Facebook پاراقشاسىندا مەلٸمدەدٸ.
مەلٸمەتكە سەيكەس, ماماندار جاڭا ەۋەجاي ٷشٸن قالانىڭ سولتٷستٸك-باتىس بٶلٸگٸندەگٸ, شورتاندى باعىتىنا قاراي ورنالاسقان جەنە استانا – كٶكشەتاۋ اۆتوجولىنا ٸرگەلەس اۋماقتى تاڭداعان. اتالعان نۇسقا كٶلٸك قاتىناسى مەن بولاشاق ينفراقۇرىلىمدىق دامۋ مٷمكٸندٸكتەرٸ تۇرعىسىنان ەڭ تيٸمدٸ دەپ تانىلعان.
جوسپار بويىنشا جاڭا ەۋەجاي استانا قالاسىنىڭ ەكٸمشٸلٸك شەكاراسىنان شامامەن 48 شاقىرىم جەردە ورنالاسادى. ال «نۇرلى جول» تەمٸرجول ۆوكزالىنان ەۋە ايلاعىنا دەيٸنگٸ اراقاشىقتىق 73 شاقىرىمدى قۇرايدى.
جوبا ەلوردانىڭ كٶلٸك-لوگيستيكالىق ەلەۋەتٸن ارتتىرۋعا جەنە الداعى جىلدارى جولاۋشىلار اعىنىنىڭ ٶسۋٸن قامتاماسىز ەتۋگە باعىتتالعان. ساراپشىلاردىڭ پٸكٸرٸنشە, جاڭا حالىقارالىق ەۋەجايدىڭ سالىنۋى استانانىڭ ترانزيتتٸك مٷمكٸندٸكتەرٸن كەڭەيتٸپ, حالىقارالىق باعىتتار جەلٸسٸن دامىتۋعا قوسىمشا سەرپٸن بەرەدٸ.
قازٸرگٸ ۋاقىتتا قولدانىستاعى استانا حالىقارالىق ەۋەجايى جولاۋشىلار اعىنىنىڭ تۇراقتى ٶسۋٸن باستان ٶتكەرٸپ وتىر. وسىعان بايلانىستى جاڭا ەۋە حابىن سالۋ مەسەلەسٸ ەلوردانىڭ ۇزاقمەرزٸمدٸ دامۋ جوسپارى اياسىندا قاراستىرىلۋدا.
