سۇحباتتا استانادا تۇرمىستىق زورلىق-زومبىلىق دەرەكتەرى باسىلعان توي كويلەگى تانىستىرىلعانى ايتىلعان. كويلەكتىڭ اق ماتاسىنا ءتۇرلى ب ا ق بەتتەرىنە ەر ادامداردىڭ ايەلدەرگە قول جۇمساۋى تۋرالى جاريالانعان ماقالالار، اقپاراتتار باسىلعان، دەپ حابارلايدى Dalanews.kz اقپارات پورتالى.
«ول مەنى ۇرعاندى ۇناتادى» دەپ اتالاتىن ارت-وبەكتىنىڭ اۆتورلارى بۇل كويلەكتى نە ءۇشىن شىعارعانىن، بۇل ارەكەتىمەن قوعامعا نە جەتكىزگىسى كەلەتىنىن ءتۇسىندىردى.
[video width="848" height="480" mp4="https://dalanews.kz/wp-content/uploads/2024/01/VID-20240108-WA0045.mp4"][/video]
«15 مامىر – حالىقارالىق وتباسى كۇنى كۇنى. ءبىز ەرەكشە قالىڭدىق كويلەگىن ازىرلەدىك. وندا قازاقستانداعى تۇرمىستىق زورلىق-زومبىلىق تۋرالى جانتۇرشىگەرلىك ماقالالار باسىلعان. بۇل كويلەكتەر دينارا ءساتجاننىڭ كيىم دۇكەندەرىنە قويىلدى. بەلسەندىلەر وسى كويلەكتى كيىپ، استانانىڭ كورنەكتى جەرلەرىنەن ءجۇرىپ ءوتتى. ولار بۇل كويلەك ارقىلى قازاقستاندا تۇرمىستىق زورلىق-زومبىلىقتىڭ ءالى دە بارىن، ءورشىپ تۇرعانىن كورسەتتى. ءبىز كويلەكپەن قاتار، ابيۋزەرلىك قارىم-قاتىناسقان قاشۋ، ابيۋزەردى قالاي تانۋ كەرەكتىگى تۋرالى ءۇنپاراقتار شىعاردىق، – دەدى «جاڭا ادامدار» جوباسىنىڭ اۆتورلارىنىڭ ءبىرى.
ايتا كەتەيىك، جەلىدە بۇرىننان بەلگىلى «جاڭا ادامدار» جاستار قوزعالىسىنىڭ قىزمەتى تۋرالى ۆيدەو پايدا بولدى.
ەسكە سالساق، 2023 جىلى جاڭا ادامدار قازاقستاندىقتاردى تولعاندىراتىن ماسەلەلەردى شەشۋ ءۇشىن ءتۇرلى كوشە اكسيالارىن وتكىزگەن بولاتىن. ولاردىڭ ەڭ شۋلىسى 2023 جىلدىڭ قاراشاسىندا بولدى. الماتىدا قازاق قوعامىنداعى زورلىق-زومبىلىققا قارسى «جانۋارلار الەمىنە جوق دەپ ايت» اكسياسىنا 600-دەن استام ادام جينالدى.
YouTube جەلىسىندەگى «ارمان ابدوللا» ارناسىندا «جاڭا ادامدار» قوزعالىسىنىڭ جەتەكشىسى اسەل بادەنوۆا بۇل ميتينگتىڭ قالاي جوسپارلانعانى مەن دايىندالعانى، ونى وتكىزۋگە الماتى اكىمدىگىنەن قالاي رۇقسات العانى، ۇيىمداستىرۋشىلاردىڭ قانداي پروبلەمالار بار ەكەنى تۋرالى ايتىپ بەردى.
https://youtu.be/_eJGenpofTw؟si=ylIoiaKptkDrJUKs
