استانا قالاسىنىڭ تۇرعىنى تانىستارى مەن كٶرشٸلەرٸن الداپ, 500 ميلليون تەڭگەدەن استام قاراجاتتى يەمدەنگەنٸ ٷشٸن 6 جىل 6 ايعا باس بوستاندىعىنان ايىرىلدى. بۇل تۋرالى استانا قالاسىنىڭ پروكۋراتۋراسى مەلٸمدەدٸ, دەپ حابارلايدى dalanews.kz.
تەرگەۋ مەلٸمەتٸنشە, سوتتالعان ەيەل جەبٸرلەنۋشٸلەردٸڭ سەنٸمٸنە كٸرٸپ, يپوتەكا رەسٸمدەۋگە نەمەسە دەكرەتتٸك تٶلەمدەردٸ الۋعا كٶمەكتەسەمٸن دەپ ۋەدە بەرگەن. وسى سىلتاۋمەن ولاردى جىلجىمايتىن مٷلٸكتەرٸن كەپٸلگە قويىپ نەسيە رەسٸمدەۋگە نەمەسە ٶزٸنە اقشا بەرۋگە كٶندٸرٸپ, كەيٸن الىنعان قاراجاتتى جەكە قاجەتٸنە جۇمساعان.
مەسەلەن, ول جەبٸرلەنۋشٸلەردٸڭ بٸرٸنە پەتەرٸن بانككە كەپٸلگە قويىپ, 16 ميلليون تەڭگە نەسيە رەسٸمدەتكەن. سونىڭ 9 ميلليون تەڭگەدەن استامىن ٶز پايداسىنا يەلەنگەن.
قىلمىستىق ٸستٸڭ بارلىق ەپيزودتارى بويىنشا كەلتٸرٸلگەن جالپى شىعىن 500 ميلليون تەڭگەدەن اسقان. سوت ەيەلدٸ كٸنەلٸ دەپ تانىپ, 6,5 جىلعا باس بوستاندىعىنان ايىرۋ جازاسىن تاعايىندادى. سونداي-اق جەبٸرلەنۋشٸلەردٸڭ كەلتٸرٸلگەن زالالدى ٶندٸرۋ تۋرالى تالاپتارى قاناعاتتاندىرىلدى. ٷكٸم زاڭدى كٷشٸنە ەندٸ.
