استانادا «قازانات» يپپودرومىندا «BaiQymyz – باپتالعان قىمىز ۇلتتىق تاعامدار گاستروفەستيۆالٸ» اتتى ٸرٸ كٶلەمدەگٸ مەدەني-اگرارلىق ٸس-شارا ٶتەدٸ,- دەپ حابارلايدى Dalanews.kz
اتالعان فەستيۆال حالقىمىزدىڭ دەستٷرلٸ تاعام مەدەنيەتٸن, ونىڭ ٸشٸندە قىمىز ٶندٸرۋ دەستٷرٸن جاڭعىرتۋ مەن حالىقارالىق دەڭگەيگە ٸلگەرٸلەتۋگە باعىتتالعان.
شاراعا 50-60 مىڭ ادام كەلەدٸ دەپ جوسپارلانىپ وتىر. ەر ٶڭٸردەن 50-گە جۋىق قىمىز ٶندٸرۋشٸ قاتىسادى. فەستيۆال وكتوبەرفەست سيياقتى حالىقارالىق ٷلگٸدەگٸ مەدەني-اگرارلىق برەندكە اينالۋى كٶزدەلٸپ وتىر. قوناقتار ەكٸ كٷن بويى قىمىزدىڭ تٷر-تٷرٸنەن دەم تاتىپ, جىلقى تۇقىمدارى تانىستىرىلاتىن كٶرمەنٸ تاماشالاپ, ەتنو-مەدەني باعدارلامالارعا قاتىسا الادى.
فەستيۆالدٸڭ ەرەكشە جٷلدەسٸ – «ەڭ ٷزدٸك قىمىز» اتاعى ٷشٸن جارىس بولماق. بايقاۋ جەڭٸمپازدارى قوماقتى قارجىعا يە بولادى, جٷلدە قورى – 45 ميلليون تەڭگە (I ورىن – 20 ملن تگ, II ورىن – 15 ملن تگ, III ورىن – 10 ملن تگ).
بايقاۋدىڭ ماقساتى – ەلٸمٸزدەگٸ ەڭ ساپالى ەرٸ شيپالى قىمىزدى انىقتاۋ. نەگٸزگٸ ماقسات – قىمىزدى دەنساۋلىق پەن قوناقجايلىقتىڭ سيمۆولى رەتٸندە تانىتۋ, سونىمەن قاتار اگروتۋريزم مەن جىلقى شارۋاشىلىعىن دامىتۋعا سەرپٸن بەرۋ.
جىلقى كٶرمەسٸندە قازاقتىڭ بايىرعى تۇقىمدارى – جابى, كٶشٸم, قوستاناي, مۇعالجار, اداي جەنە سپورتتىق باعىتتاعى اتتار كٶپشٸلٸك نازارىنا ۇسىنىلادى. قولٶنەر شەبەرلەرٸ ەر-توقىم, قامشى, ات ەبزەلدەرٸ سيياقتى تاريحي بۇيىمدارىن كٶرسەتٸپ, كەلۋشٸلەر ولاردى ساتىپ الا الادى. كٶرمەنٸڭ باستى ەرەكشەلٸگٸ – بٸرەگەي بۇيىمدار مەن جىلقىلارعا ارنالعان اۋكتسيون.
فەستيۆال اياسىندا ۇيىمداستىرىلاتىن عىلىمي كونفەرەنتسييادا قىمىزدىڭ ەمدٸك قاسيەتتەرٸ, جىلقى شارۋاشىلىعى مەن دەستٷرلٸ مال شارۋاشىلىعىنىڭ دامۋ بولاشاعى تالقىلانادى. گەرمانييا, رەسەي, قىرعىزستان ەلدەرٸنەن كەلگەن عالىمدار, دەرٸگەرلەر, ۆەتەرينارلار مەن كەسٸپكەرلەر ٶز باياندامالارىن ۇسىنادى.
قاتىسۋشىلار اراسىندا گەرمانييالىق جىلقى شارۋاشىلىعى مامانى حانس تسولمان, مەديتسينا عىلىمدارىنىڭ دوكتورى باقىتجان بيمبەتوۆ, ەتنوگراف ايگەرٸم مۇساعاجينوۆا جەنە باسقا دا ساراپشىلار بار.
شەبەرلٸك ساباقتار بارىسىندا قاتىسۋشىلارعا قىمىز دايىنداۋ, ساقتاۋ, اشىتۋ, سونداي-اق ونى كاپسۋلا تٷرٸندە ٶندٸرۋدٸڭ زاماناۋي ەدٸستەرٸ تانىستىرىلادى. سونىمەن قاتار, تەرٸ يلەۋ, ات ەبزەلدەرٸ مەن تۇرمىستىق بۇيىمداردى جاساۋ بويىنشا دا قولٶنەر شەبەرلەرٸ ٶز بٸلگەنٸن ٷيرەتەدٸ.
سونداي-اق, باعدارلاما شەڭبەرٸندە اۋدارىسپاق, اساۋ ٷيرەتۋ, قۇماي تازى سايىسى, شالما سالۋ سىندى ۇلتتىق سپورت تٷرلەرٸنەن جارىستار ٶتكٸزٸلەدٸ. مەشكەيلەر سايىسى مەن جٸلٸك سىندىرۋ سەكٸلدٸ ەرەكشە شارالار فەستيۆال كٶرٸگٸن قىزدىرماق.
