وتكەن تۇندە ەلوردادان 41 مىڭ تەكشە مەتردەن استام قار شىعارىلدى. كوممۋنالدىق قىزمەتتەر كۇشەيتىلگەن رەجيمدە جۇمىسىن جالعاستىرۋدا، – دەپ حابارلايدى Dalanews.kz  استانا اكىمدىگىنىڭ رەسمي سايتىنا سىلتەمە جاساپ.

20 ساۋىرگە قاراعان ءتۇنى كوممۋنالدىق قىزمەت استانادان 41 164 تەكشە مەتر قار شىعاردى، بۇل 2 766 اۋىر جۇك كولەمىنە تەڭ.

20 ءساۋىر كۇنى تاڭەرتەڭ ەلوردانىڭ جولدارى مەن كوشەلەرىنەن قار مەن مۇزدى 2 300 جول جۇمىسشىسى مەن مىڭنان استام ارنايى تەحنيكا جينايدى.

قىس مەزگىلىنىڭ باسىنان بەرى قالادان 4،2 ملن تەكشە مەتردەن استام قار شىعارىلدى، پوليگوندارعا 333 577 رەيس جاسالدى.

ەستەرىڭىزگە سالا كەتەيىك، ءساۋىر ايىنىڭ ورتاسىندا ەلوردادا تولاسسىز قار جاۋعان بولاتىن. ءبىر اپتا ىشىندە جاۋىن-شاشىن مولشەرى ايلىق نورمادان ەكى ەسە اسىپ ءتۇستى. وسى ۋاقىت ىشىندە كوممۋنالدىق قىزمەتتەر تاۋلىك بويى كۇشەيتىلگەن رەجيمدە جۇمىس ىستەيدى.