استانادا بۇتىندەي ءبىر وتباسى مۇشەلەرى تۇتىنگە تۇنشىعىپ، كوز جۇمدى. ەسىلدىڭ سول  جاعالاۋىنداعى ەليتالىق «حايۆيل» تۇرعىن ءۇي كەشەنىنەن شىققان ورتتەن اجال قۇشقاندار – شەتەل  ازاماتتارى.

ياعني بۇلار – 64 جاستاعى نيگەريالىق پەن ونىڭ 54 جاستاعى جۇبايى ۇلىبريتانيا ازاماتى. ءارى ەرلى-زايىپتىلاردىڭ 17 جانە 8 جاستاعى بالالارى اجال قۇشقان.

تۇندە پاتەر ىشىندە جيھاز ورتەنىپ، ۇزاق ۋاقىت بىقسىعان. ال شىرت ۇيقىدا جاتقان وتباسى تۇتىنگە تۇنشىعىپ، كوز جۇمعان.

مارقۇم وتاعاسى نازاربايەۆ ۋنيۆەرسيتەتىنىڭ جانىنداعى مەديسينالىق مەكتەپتە ساباق بەرگەن ەكەن. مۇندا  كەندجي ەلاي ەسىمدى پروفەسسور بىلتىردان بەرى جۇمىس ىستەگەن.

ءقازىر قايتىس بولعان ازاماتتاردىڭ ءمايىتىن وتانىنا جەتكىزۋ ماسەلەسى قارالىپ جاتىر. ال ءبىر جانۇيانى جازىم ەتكەن ءورتتىڭ نەدەن شىققانى بەلگىسىز. ءقازىر پاتەرگە ءمور باسىلىپ، ءتيىستى ساراپتامالار جۇرگىزىلۋدە.

– بولمەدە الاپات ءورت بولماعان. قايتىس بولۋ سەبەبى، گازعا  ۋلانعان. الدىن الا ايتساق، سىم توقتارى تۇيىقتالعان بولۋى مۇمكىن، – دەدى ق ر ءىىم توتەنشە جاعدايلار كوميتەتى باسپا ءسوز قىزمەتىنىڭ جەتەكشىسى رۋسلان يمانقۇلوۆ.

 

دوسجان مارات ۇلى

 

دەرەككوزى: كتك ارناسى