Astanada bútindeı bir otbasy músheleri tútinge tunshyǵyp, kóz jumdy. Esildiń sol  jaǵalaýyndaǵy elıtalyq «Haıvıl» turǵyn úı kesheninen shyqqan órtten ajal qushqandar – shetel  azamattary.

Iaǵnı bular – 64 jastaǵy nıgerályq pen onyń 54 jastaǵy jubaıy Ulybrıtanıa azamaty. Ári erli-zaıyptylardyń 17 jáne 8 jastaǵy balalary ajal qushqan.

Túnde páter ishinde jıhaz órtenip, uzaq ýaqyt byqsyǵan. Al shyrt uıqyda jatqan otbasy tútinge tunshyǵyp, kóz jumǵan.

Marqum otaǵasy Nazarbaev ýnıversıtetiniń janyndaǵy medısınalyq mektepte sabaq bergen eken. Munda  Kendjı Elaı esimdi profesor byltyrdan beri jumys istegen.

Qazir qaıtys bolǵan azamattardyń máıitin otanyna jetkizý máselesi qaralyp jatyr. Al bir januıany jazym etken órttiń neden shyqqany belgisiz. Qazir páterge mór basylyp, tıisti saraptamalar júrgizilýde.

– Bólmede alapat órt bolmaǵan. Qaıtys bolý sebebi, gazǵa  ýlanǵan. Aldyn ala aıtsaq, sym toqtary tuıyqtalǵan bolýy múmkin, – dedi QR İİM Tótenshe jaǵdaılar komıteti baspasóz qyzmetiniń jetekshisi Rýslan Imanqulov.

 

Dosjan Maratuly

 

Derekkózi: KTK arnasy