وڭتۇستىك كۇندەرى اياسىندا بۇگىن ەلورداداعى «وقۋشىلار» سارايىندا «كينو – رۋحانياتتىڭ كوزى» جوباسىمەن وڭتۇستىكتە تۇسىرىلگەن انيماسيالىق جانە كوركەم فيلمدەر كورسەتىلىمى وتۋدە.
تاريحي-تانىمدىق، بالالار مەن جاسوسپىرىمدەردى پاتريوتتىق رۋحتا تاربيەلەيتىن «وتىراردى قورعاۋ»، «كيەلى قازىعۇرت» انيماسيالىق فيلمدەرى مەن «كونە جەتىگەننىڭ سىرى» اتتى تەلەحيكايا استانالىق بالعىنداردىڭ نازارىنا ءۇش كۇن بويىنا ۇسىنىلادى.
اتالعان فيلمدەر ەلباسى ن.نازاربايەۆتىڭ «بولاشاققا باعدار: رۋحاني جاڭعىرۋ» باعدارلامالىق ماقالاسى اياسىندا وبلىس اكىمى ج.تۇيمەبايەۆتىڭ باستاماسىمەن وڭىردەگى «ساق» كينوستۋدياسى تۇسىرگەن.
كورسەتىلىمنىڭ اشىلۋ سالتاناتىندا ءسوز العان وقو مادەنيەت جانە تىلدەردى دامىتۋ باسقارماسى باسشىسىنىڭ م.ا تەمىرحان اسىلحان كۇنگەي ولكەدەگى تاريحي-كيەلى جەرلەردى بالالار تىلىمەن ناسيحاتتاۋعا باعىتتالعان انيماسيالىق فيلمگە دەگەن بەتبۇرىس ۇرپاق تاربيەسىنە دە مول اسەر ەتىپ جاتقاندىعىن جەتكىزدى. سونداي-اق، بۇلدىرشىندەردىڭ سۇيىكتى كەيىپكەرلەرى، «قالقانقۇلاق» تەلەسەريالىنىڭ باستى رولدەرىن سومداعان ولجاس پەن باقبەرگەن دە استانالىق جۇرتشىلىققا كوتەرىڭكى كوڭىل-كۇي سىيلاپ، استانانىڭ 20 جىلدىعىمەن قۇتتىقتادى.
ايتا كەتسەك، وتكەن جىلى پرەزيدەنتتىڭ باعدارلامالىق ماقالاسى اياسىندا «كۇش اتاسى – قاجىمۇقان»، «وتىراردى قورعاۋ»، «كيەلى قازىعۇرت» اتتى 3 انيماسيالىق فيلم جانە «كونە جەتىگەننىڭ سىرى» 10 سەريادان تۇراتىن تەلەحيكايا مەن «ۇلى جىبەك جولىنداعى ەسكەرتكىشتەر» اتى دەرەكتى فيلمدەر ءتۇسىرىلىپ، قوعام نازارىنا ۇسىنىلدى. اتالعان تۋىندىلار وڭتۇستىك قازاقستان وبلىسىنىڭ بارلىق اۋدان، قالالارىنداعى 1 ميليوننان استام مەكتەپ وقۋشىلارى مەن تۇرعىندارىنا «– رۋحانياتتىڭ جاڭعىرۋ كوزى» جوباسى اياسىندا كورسەتىلسە، جەرگىلىكتى تەلەارنالاردا دا تۇراقتى تۇردە ناسيحاتتالۋدا.
سونىمەن قاتار، ءوڭىرىمىزدىڭ اۋدان، قالالارىندا دا جەرگىلىكتى اكىمدىكتەردىڭ قولداۋىمەن تۋعان جەر قاسيەتىن تانىتاتىن ءبىرقاتار انيماسيالىق فيلمدەر جاسالدى. ولاردىڭ ىشىندە وتىرار اۋدانى اكىمدىگى تاپسىرىسىمەن دايىندالعان «وتىرار داستانى»، «كونە قۇمىرانىڭ سىرى» جانە بايدىبەك اۋدانى اكىمدىگىنىڭ قولداۋىمەن «بايدىبەك بي» فيلمدەرى بار.
بيىلعى جىلى رۋحاني جاڭعىرۋ اياسىندا «تولە بي» تەلەسەريالى مەن «وقسىز»، «ورداباسى»، «تۇركىستان» انيماسيالىق فيلمدەرى تۇسىرىلۋدە.
