استانادا دەرٸگەرلەر قايتىس بولعان دونوردى قۇرمەت دەلٸزٸمەن اقتىق ساپارعا شىعارىپ سالدى, دەپ حابارلايدى dalanews.kz.
وپەراتسييا تٷنگٸ ۋاقىتتا جٷرگٸزٸلدٸ. ماماندار دونوردىڭ جٷرەگٸن, بٸر ٶكپەسٸ مەن باۋىرىن الدى. بۇل اعزالار ترانسپلانتاتسييا كەزەگٸندە تۇرعان ٷش ناۋقاسقا سالىنادى.
دەنساۋلىق ساقتاۋ مينيسترلٸگٸ وسىنداي اۋىر سەتتە ماڭىزدى شەشٸم قابىلداعان مارقۇمنىڭ جاقىندارىنا العىس بٸلدٸردٸ. وتباسىنىڭ كەلٸسٸمٸ ٷش ادامنىڭ ٶمٸرٸن ساقتاپ قالۋعا ٷمٸت سىيلادى.
رەسمي مەلٸمەت بويىنشا, جىل باسىنان بەرٸ قازاقستاندا 132 ىقتيمال قايتىس بولعاننان كەيٸنگٸ دونور انىقتالىپ, 205 ترانسپلانتاتسييا جاسالعان.
ەلٸمٸزدە اعزا دونورلىعى بويىنشا وڭ ٶزگەرٸس 2025 جىلدان باستاپ بايقالدى. سول جىلى 18 دونورلىق پروتسەسس جٷزەگە اسىرىلدى. بۇل 2024 جىلعى كٶرسەتكٸشتەن ٷش ەسە كٶپ. نەتيجەسٸندە 68 اعزا ترانسپلانتاتسييالاندى.
ال 2023 جىلى ەلٸمٸزدە 19 اعزا الماستىرۋ وپەراتسيياسى جاسالسا, 2024 جىلى بۇل كٶرسەتكٸش 23-كە جەتكەن.
