Astanada dárigerler qaitys bolǵan donordy qurmet dálizimen aqtyq saparǵa shyǵaryp saldy, dep habarlaidy dalanews.kz.
Operatsiia túngi ýaqytta júrgizildi. Mamandar donordyń júregin, bir ókpesi men baýyryn aldy. Bul aǵzalar transplantatsiia kezeginde turǵan úsh naýqasqa salynady.
Densaýlyq saqtaý ministrligi osyndai aýyr sátte mańyzdy sheshim qabyldaǵan marqumnyń jaqyndaryna alǵys bildirdi. Otbasynyń kelisimi úsh adamnyń ómirin saqtap qalýǵa úmit syilady.
Resmi málimet boiynsha, jyl basynan beri Qazaqstanda 132 yqtimal qaitys bolǵannan keiingi donor anyqtalyp, 205 transplantatsiia jasalǵan.
Elimizde aǵza donorlyǵy boiynsha oń ózgeris 2025 jyldan bastap baiqaldy. Sol jyly 18 donorlyq protsess júzege asyryldy. Bul 2024 jylǵy kórsetkishten úsh ese kóp. Nátijesinde 68 aǵza transplantatsiialandy.
Al 2023 jyly elimizde 19 aǵza almastyrý operatsiiasy jasalsa, 2024 jyly bul kórsetkish 23-ke jetken.
