استانادا 2025 جىلى كەمىرگىشتەرمەن كۇرەس ەكى ماۋسىمدا – كوكتەم مەن كۇزدە جۇرگىزىلەدى. ءساۋىر ايىندا دەراتيزاسيا جۇمىستارى باستالادى، دەپ حابارلايدى Dalanews.kz
سانيتارلىق نورمالارعا سايكەس 2025 جىلى دەراتيزاسيا جۇمىستارىن ەكى ماۋسىمدا (كوكتەم جانە كۇز) جۇرگىزۋ جوسپارلانىپ وتىر. جابىق ستانسيالار 21 ساۋىردەن 18 مامىرعا دەيىن، ال اشىق ستانسيالار 20 ساۋىردەن 1 ماۋسىمعا دەيىن جۇمىس ىستەيدى.
جەكە سەكتور (تۇرعىن اۋماقتار) جانە اشىق اۋماقتار (ساياباقتار، وزەندەر، سۋ قويمالارى، كانالدار، زيراتتار) وڭدەۋگە جاتادى.
جەكە سەكتور تۇرعىندارىنا ارنايى ۋلاندىرعىشتار تەگىن تاراتىلادى، ال قاۋىپسىزدىك تەحنيكاسى بويىنشا ءتۇسىندىرۋ جۇرگىزىلىپ جاتىر.
دەراتيزاسيا قازاقستاندا قولدانۋعا رۇقسات ەتىلگەن ۋلاندىرعىشتاردى پايدالانا وتىرىپ جۇزەگە اسىرىلادى. مۇنداي شارالار كەمىرگىشتەردىڭ سانىن ازايتىپ، اسا ءقاۋىپتى جۇقپالى اۋرۋلاردىڭ تارالۋىن بولدىرماۋ ءۇشىن قاجەت.
