استانادا جەدەل مەديتسينالىق جەردەم فەلدشەرٸ ۇلدانا مىرزۋاننىڭ قازاسىنا قاتىستى قىلمىستىق ٸس بويىنشا سوت وتىرىسى جالعاسىپ جاتىر, دەپ حابارلايدى dalanews.kz.
استانا قالاسىنىڭ قىلمىستىق ٸستەر جٶنٸندەگٸ اۋدانارالىق سوتىندا ٶتكەن كەزەكتٸ وتىرىستا الدىمەن كۋەگەر گ. اقشالوۆادان قوسىمشا جاۋاپ الىندى.
ودان كەيٸن تۇرعىن ٷيدەگٸ قايعىلى وقيعادان سوڭ عيماراتقا تەحنيكالىق زەرتتەۋ جٷرگٸزگەن «استانا-تەحنادزور» جشس مامانى د. ۆوروبەۆتەن جاۋاپ الىندى. بۇعان دەيٸن سوتتا قۇرىلىس ساراپشىلارى ٷيدٸڭ قاسبەتٸ مەن قۇرىلىسىندا بٸرقاتار كەمشٸلٸك بولعانىن ايتقان.
سوت وتىرىسىندا مەملەكەتتٸك ايىپتاۋشى ن. ابۋوۆ كوندومينيۋم نىسانىنىڭ بۇرىنعى سەنٸم بٸلدٸرٸلگەن تۇلعالارىنا قاتىستى قازاقستان رەسپۋبليكاسى قىلمىستىق كودەكسٸنٸڭ 254-بابى بويىنشا قىلمىستىق ٸستٸڭ سوتقا دەيٸنگٸ تەرگەپ-تەكسەرۋلەردٸڭ بٸرىڭعاي تٸزٸلٸمٸندە تٸركەلگەنٸ تۋرالى راپورتتى ٸس ماتەريالدارىنا قوسۋدى سۇرادى.
سونىمەن قاتار پروكۋرور استانا قالاسى پروكۋرورىنىڭ ورىنباسارى بەكٸتكەن تۇرعىن ٷي قۇرىلىس سالۋشىسىنا قاتىستى قىلمىستىق ٸستٸ توقتاتۋ تۋرالى قاۋلىنى دا ٸس ماتەريالدارىنا تٸركەۋ تۋرالى ٶتٸنٸشحات بەردٸ.
تٷسكٸ ٷزٸلٸستەن كەيٸن سوت استانا قالاسى بويىنشا قۇقىقتىق ستاتيستيكا جەنە ارنايى ەسەپكە الۋ كوميتەتٸ دەپارتامەنتٸنەن, سونداي-اق استانا قالاسىنىڭ تۇرعىن ٷي جەنە تۇرعىن ٷي ينسپەكتسيياسى باسقارماسىنان كەلٸپ تٷسكەن جاۋاپتاردى زەرتتەدٸ.
سوتتا قارالىپ جاتقان ٸس 2025 جىلعى 8 قاراشادا استانادا تۇرعىن ٷيدٸڭ قاسبەتٸ وپىرىلىپ, سونىڭ سالدارىنان جەدەل جەردەم فەلدشەرٸ ۇلدانا مىرزۋاننىڭ اۋىر جاراقات الۋىنا بايلانىستى قوزعالعان. ول العان جاراقاتتارىنان 18 قاراشادا كٶز جۇمدى.
بۇعان دەيٸن سوتتا قۇرىلىس ساراپشىسى دەنيس ۆوروبەۆ قاسبەتتٸڭ وپىرىلۋىنىڭ كەنەتتەن بولماعانىن جەنە وعان دەيٸن بەلگٸلٸ بٸر ۋاقىت بويى اقاۋلار قالىپتاسقانىن ايتقان. ونىڭ پٸكٸرٸنشە, قايعىلى جاعدايعا قۇرىلىس ساپاسى سەبەپ بولعان.
كەلەسٸ سوت وتىرىسى 2026 جىلعى 16 قىركٷيەككە ساعات 10:00-گە بەلگٸلەندٸ.
جەبٸرلەنۋشٸ ٶكٸلٸ, ادۆوكات ج. قۇرىمباەۆانىڭ ٶتٸنٸشحاتىنا سەيكەس, كەلەسٸ وتىرىستا ۇلدانا مىرزۋانعا وپەراتسييا جاساعان نەيروحيرۋرگ دەرٸگەردەن, سونداي-اق استانا قالاسىنىڭ قالالىق ورتانى باقىلاۋ جەنە ساپا باسقارماسىنىڭ بۇرىنعى مامانىنان جاۋاپ الىنادى.
