استانادا بيۋدجەت اقشاسىن ۇرلاعان بالاباقشا ديرەكتورى سوتتالدى، - دەپ حابارلايدى Dalanews.kz.
الماتى اۋدانىنىڭ پروكۋراتۋراسى مەملەكەتتىك تاپسىرىس شەڭبەرىندە ەلوردا بالاباقشالارىنىڭ بىرىنە تەكسەرىس جۇرگىزۋ بارىسىندا مەكتەپكە دەيىنگى ءبىلىم بەرۋ سالاسىندا تابەلدەۋ ارقىلى بالاباقشاعا بارماعان بالالارعا بولىنگەن بيۋدجەت قاراجاتىن ۇرلاۋ دەرەگىن انىقتاعان.
"2021 جىلعى ماۋسىم مەن 2023 جىلعى قىركۇيەك ايىنىڭ ارالىعىندا مەملەكەتتىك قاراجاتتى ۇرلاۋ ماقساتىندا قىزمەتتىك جاعدايىن پايدالانعان بالاباقشا مەڭگەرۋشىسى بيۋدجەت قاراجاتىنان نەگىزسىز تولەمدەر العان.
قىلمىستىق ارەكەتتەردىڭ ناتيجەسىندە مەملەكەتكە 8،5 ملن. تەڭگەدەن اسا شىعىن كەلتىرىلگەن"، - دەپ جازىلعان استانا قالاسىنىڭ پروكۋراتۋراسى مالىمەتىندە.
كىنالى ادام 3 جىل مەرزىمگە كوممەرسيالىق ۇيىمداردا باسشىلىق لاۋازىمداردى اتقارۋ قۇقىعىنان ايىرىلا وتىرىپ، سوتتالدى.
زالال تولىق كولەمدە وتەلدى. ۇكىم زاڭدى كۇشىنە ەندى.
