Astanada biýdjet aqshasyn urlaǵan balabaqsha direktory sottaldy, - dep habarlaidy Dalanews.kz.
Almaty aýdanynyń prokýratýrasy memlekettik tapsyrys sheńberinde elorda balabaqshalarynyń birine tekseris júrgizý barysynda mektepke deiingi bilim berý salasynda tabeldeý arqyly balabaqshaǵa barmaǵan balalarǵa bólingen biýdjet qarajatyn urlaý deregin anyqtaǵan.
"2021 jylǵy maýsym men 2023 jylǵy qyrkúiek aiynyń aralyǵynda memlekettik qarajatty urlaý maqsatynda qyzmettik jaǵdaiyn paidalanǵan balabaqsha meńgerýshisi biýdjet qarajatynan negizsiz tólemder alǵan.
Qylmystyq áreketterdiń nátijesinde memleketke 8,5 mln. teńgeden asa shyǵyn keltirilgen", - dep jazylǵan Astana qalasynyń prokýratýrasy málimetinde.
Kináli adam 3 jyl merzimge kommertsiialyq uiymdarda basshylyq laýazymdardy atqarý quqyǵynan aiyryla otyryp, sottaldy.
Zalal tolyq kólemde óteldi. Úkim zańdy kúshine endi.
