استانادا تانىمال ەنشٸ سيۆي ماحمۋديدٸڭ بۇرىنعى كٷيەۋٸ انسار قاجىمۇحانۇلىنا قاتىستى سوت وتىرىسى باستالدى. ول اسا ٸرٸ كٶلەمدە الاياقتىق جاسادى دەپ ايىپتالىپ وتىر. ەزٸرگە ٸستٸڭ ەگجەي-تەگجەيٸ اشىق جارييالانباعانىمەن, بٸز ونىڭ ەسٸمٸ اتالعان قىلمىستىق ٸستٸڭ مەن-جايىن انىقتاپ كٶردٸك. ەڭگٸمە 50 مىڭ دوللار جايىندا, دەپ حابارلايدى Dalanews.kz Nege.kz-كە سٸلتەپ.
ۇلىتاۋ وبلىسىندا بىلتىر وبلىستىق عىلىمي-ەدٸستەمەلٸك ورتالىق قىزمەتكەرلەرٸنە قاتىستى سەنٸپ تاپسىرىلعان مٷلٸكتٸ يەمدەنۋ فاكتٸسٸ بويىنشا ٸس قوزعالعان بولاتىن. وسى ٸس اياسىندا جاسىرىن تەرگەۋ امالدارىن جٷرگٸزگەندە, اتالعان ورتالىقتىڭ باس بۋحگالتەرٸنٸڭ ەلوردالىق پوليتسييا قىزمەتكەرلەرٸن ساتىپ الماق بولعان ەرەكەتٸ ەشكەرە بولدى. ول ەسٸرتكٸ زاتتارىن ساتۋعا تىرىستى دەگەن ايىپپەن ۇستالعان قىزىنىڭ جازاسىن جەڭٸلدەتۋ ٷشٸن قۇقىق قورعاۋ ورگاندارىنىڭ قىزمەتكەرلەرٸنە پارا ۇسىنعان.
سوتتا باس بۋحگالتەر ەيەل كٸنەسٸن تولىق مويىندادى. ونىڭ ايتۋىنشا, 2024 جىلدىڭ 28 ناۋرىزىندا ادۆوكاتتان قىزىنىڭ استانادا ەسٸرتكٸ ساقتادى جەنە ساتۋعا ەرەكەتتەندٸ دەگەن باپپەن ۇستالعانىن ەستٸگەن. اناسى ٷرەيلەنٸپ, تانىس تۋىسى ارقىلى «مەسەلەنٸ شەشە الاتىن» ادامداردى ٸزدەستٸرە باستايدى. سول كەزدە ونىڭ تۋىسىنىڭ كٷيەۋ بالاسى 50 مىڭ دوللارعا «مەسەلەنٸ شەشۋگە» ۋەدە بەرگەن. ەيەل بۇل سومانى ەكٸ بٶلٸككە بٶلٸپ تٶلەپ بەرەدٸ. بٸراق, ۋەدە ەتٸلگەندەي, ٸستٸڭ بابىن جەڭٸلدەتۋ مٷمكٸن بولماعان.
وسى ٸس بويىنشا سوتتا سول ەيەلگە ۋەدە بەرگەن ازامات انسار قاجىمۇحانۇلىنىڭ ەسٸمٸن اتادى. ونىڭ ايتۋىنشا, انسار «مەندە بۇل مەسەلەنٸ شەشەتٸن ادامدار بار» دەپ سەندٸرگەن. اقشا بەرٸلگەننەن كەيٸن, ۋەدە ەتٸلگەندەي نەتيجە شىقپاعان سوڭ, ەيەل تاراپىنان قارجىنى قايتارۋ تالاپ ەتٸلەدٸ. الايدا, تەرگەۋ ماتەريالدارىنا سەيكەس, انسار قاجىمۇحانۇلى ۋەدە ەتٸلگەن 50 مىڭ دوللاردىڭ تەك 28 مىڭىن عانا قايتارعان.
تەرگەۋ قورىتىندىسى بويىنشا, انسار قاجىمۇحانۇلىنىڭ استانا قالاسى الماتى اۋدانىنىڭ پوليتسييا بٶلٸمٸندە ەشقانداي دا ناقتى بايلانىستارى بولماعان. العان قاراجاتتى ول جەكە باسىنىڭ پايداسىنا جۇمساعانى ايتىلىپ وتىر.
انسار قاجىمۇحانۇلىنىڭ بۇرىنعى جارى, ەنشٸ سيۆي ماحمۋدي جۋىردا جۋرناليست اننا دانچەنكوعا بەرگەن سۇحباتىندا بۇرىنعى كٷيەۋٸنٸڭ تەك بالالارىنا كٶمەكتەسپەگەنٸن عانا ەمەس, تٸپتٸ وعان قوقان-لوقى كٶرسەتٸپ, قورقىتقانىن دا ايتىپ بەردٸ. سيۆي ٶزٸنٸڭ قاۋٸپسٸزدٸگٸ ٷشٸن باسقا قالاعا كٶشۋگە مەجبٷر بولعانىن دا مەلٸمدەدٸ.
