استانا العاش رەت جٷزۋدەن World Aquatics Swimming World Cup 2026 حالىقارالىق تۋرنيرٸنٸڭ كەزەڭٸن قابىلدايدى, دەپ حابارلايدى dalanews.kz.
جارىس 15–17 قازان ارالىعىندا ەلوردادا ٶتەدٸ. استاناداعى كەزەڭ Silk Road Tour سەريياسىنىڭ قورىتىندى كەزەڭٸ بولماق.
بيىل World Aquatics ەۋرازييانىڭ ٷش قالاسىن — باكۋ, تاشكەنت جەنە استانانى — ەلەم كۋبوگٸنٸڭ بٸرىڭعاي باعىتىنا بٸرٸكتٸردٸ. تاريحي ۇلى جٸبەك جولىنىڭ قۇرمەتٸنە اتالعان سەرييانىڭ العاشقى كەزەڭٸ 1–3 قازاندا باكۋدە, ەكٸنشٸسٸ 8–10 قازاندا تاشكەنتتە ٶتەدٸ. تۋرنير 15–17 قازاندا استانادا اياقتالادى.
ەلورداداعى كەزەڭ باعدارلاماسىنا ەرلەر مەن ەيەلدەر اراسىنداعى 34 جەكە سايىس — ەر سانات بويىنشا 17 ديستسيپلينا كٸرەدٸ. سونىمەن قاتار ەرلەر, ەيەلدەر جەنە ارالاس ەستافەتالار ۇيىمداستىرىلادى.
جارىسقا وليمپيادا چەمپيوندارى مەن جٷلدەگەرلەرٸ, ەلەم چەمپيوناتتارىنىڭ جٷلدەگەرلەرٸ جەنە قازٸرگٸ ەلەم رەكوردشىلارى قاتارلى ەلەمنٸڭ ٷزدٸك جٷزگٸشتەرٸ قاتىسادى.
Silk Road Tour اياسىنداعى ٷش كەزەڭگە 50-دەن استام ەلدەن 750-دەن استام سپورتشى قاتىسادى دەپ كٷتٸلۋدە. سەرييانىڭ جالپى جٷلدە قورى 1,2 ملن دوللاردى قۇرايدى. بۇل سوما ەلەمدٸك رەكوردتار مەن باسقا دا جەتٸستٸكتەر ٷشٸن بەرٸلەتٸن بونۋستاردى قامتىمايدى.
World Aquatics ەلەم كۋبوگٸنٸڭ كەزەڭدەرٸ ٸرٸ حالىقارالىق جارىستارعا رەسمي ٸرٸكتەۋ سايىستارىنىڭ قاتارىنا كٸرەدٸ. Silk Road Tour سپورتشىلار ٷشٸن جەلتوقساندا بەيجٸڭدە ٶتەتٸن 25 مەترلٸك باسسەيندەگٸ ەلەم چەمپيوناتىنا دايىندىقتىڭ ماڭىزدى كەزەڭٸ بولماق.
