قازاقستاندىق قوعام قايراتكەرٸ قۋات دومباي الاياقتاردىڭ ەرەكەتٸ سالدارىنان بولعان قايعىلى وقيعا تۋرالى ايتىپ, بۇل مەسەلەنٸڭ ەل ٷشٸن اسا قاۋٸپتٸ دەڭگەيگە جەتكەنٸن مەلٸمدەدٸ, دەپ حابارلايدى Dalanews.kz.
ونىڭ ايتۋىنشا, جاقىندا ول بالالىق شاقتاعى دوسىنىڭ وتباسىنا بارىپ, كٶڭٸل ايتقان.
«دوسىمنىڭ نەبەرٸ 21 جاستاعى قىزى الاياقتاردىڭ كەسٸرٸنەن ٶزٸنە قول جۇمساپ, استانادا جۇمباق جاعدايدا كٶز جۇمدى. ونى ٶتكەن اپتادا, تۋعان كٷنٸ كٷنٸ جەرلەدٸك», – دەدٸ ول.
قوعام قايراتكەرٸنٸڭ سٶزٸنشە, بۇل – جالعىز جاعداي ەمەس. ول قىزدىڭ سىنىپتاستارى اراسىندا بيىلدىڭ ٶزٸندە ٷشٸنشٸ ٶلٸم تٸركەلگەنٸن ايتىپ, مۇنداي قايعىلى وقيعالاردىڭ الدىن الۋعا بولاتىنىن جەتكٸزدٸ.
«بارلىعى ەسەڭگٸرەپ قالعان. بٸراق بۇل بولماۋى تيٸس تراگەدييا ەدٸ», – دەدٸ ول.
سونىمەن قاتار قۋات دومباي جۋىردا نارحوز ۋنيۆەرسيتەتٸ ۇيىمداستىرعان فاكتچەكينگكە ارنالعان كونفەرەنتسيياعا قاتىسقانىن اتاپ ٶتتٸ. ونىڭ ايتۋىنشا, شارا بارىسىندا تەلەفون الاياقتارىنىڭ قۇربانى بولۋ قاۋپٸنە قاتىستى سۇراق قويىلعاندا, قاتىسۋشىلاردىڭ بارلىعى دەرلٸك قول كٶتەرگەن.
«100 پايىز ادام كەم دەگەندە بٸر رەت الاياقتاردىڭ ەرەكەتٸنە تاپ بولعان», – دەدٸ ول.
ول قازاقستاندا تەلەفون الاياقتىعى جاپپاي سيپات العانىن ايتىپ, مەسەلەنٸڭ اۋقىمى جىل سايىن ۇلعايىپ بارا جاتقانىن جەتكٸزدٸ.
«بۇل ۇلتتىق ەپيدەميياعا اينالىپ بارادى. قانشاما ادام جيناعان اقشاسىنان ايىرىلىپ جاتىر. مىسالى, مەنٸڭ سىنىپتاسىم شەتەلدەن اناسىنا جىلدار بويى اقشا جٸبەرٸپ كەلگەن, ال اناسى 40 مىڭ دوللار جيناپ, ونى الاياقتارعا بەرٸپ قويعان. قازٸر ول زەينەتكەر ەيەل كٷيزەلٸسكە تٷسكەن», – دەدٸ ول.
قوعام قايراتكەرٸ قازٸرگٸ كٷرەس تەسٸلدەرٸ جەتكٸلٸكسٸز ەكەنٸن ايتىپ, سىنعا الدى. ونىڭ پٸكٸرٸنشە, بۇل قىلمىستاردى قاراپايىم اۋداندىق پوليتسييا قىزمەتكەرلەرٸ تەرگەپ جاتىر, ال مۇنداي ٸستەرمەن ارنايى ماماندار اينالىسۋى تيٸس.
«قىلمىسكەرلەر جازاسىز قالىپ, جاڭا قۇربانداردى ٸزدەۋدٸ جالعاستىرادى», – دەدٸ ول.
سونداي-اق ول الاياقتاردىڭ ەدٸستەرٸ كٷردەلەنٸپ بارا جاتقانىن, ونىڭ ٸشٸندە جاساندى ينتەللەكت تەحنولوگييالارىن پايدالانىپ, ادامداردىڭ تۋىستارىنىڭ داۋسىن اينىتپاي سالاتىن ۆيدەولار قولدانىلىپ جاتقانىن اتاپ ٶتتٸ.
«كٸم قورعالعان? بٸز ٶزٸمٸزدٸ جەنە وتباسىمىزدى قالاي قورعايمىز?» – دەپ سۇراق قويدى ول.
قۋات دومباي مەسەلەنٸ شەشۋ ٷشٸن ناقتى ۇسىنىستارىن دا جەتكٸزدٸ. ونىڭ ايتۋىنشا, ەڭ الدىمەن, بۇل قىلمىستاردىڭ جاپپاي سيپاتىن ەسكەرە وتىرىپ, ارنايى ۆەدومستۆوارالىق جەدەل توپ قۇرۋ قاجەت.
«وعان قۇقىق قورعاۋ ورگاندارىمەن قاتار, “قازاقتەلەكوم”, بانكتەر, ۇيالى بايلانىس وپەراتورلارى, ينتەرپول سەكٸلدٸ ۇيىمدار جۇمىلدىرىلىپ, تەۋلٸك بويى جۇمىس ٸستەۋٸ تيٸس», – دەدٸ ول.
سونىمەن قاتار, ول حالىق اراسىندا كەڭ اۋقىمدى اقپاراتتىق جۇمىس جٷرگٸزۋ كەرەكتٸگٸن اتاپ ٶتتٸ.
«ەربٸر جاڭا الاياقتىق تەسٸل تۋرالى حالىققا دەرەۋ حابارلانۋى تيٸس. قازٸر بۇل جۇمىس جٷيەسٸز جٷرگٸزٸلٸپ جاتىر», – دەدٸ ول.
تاعى بٸر ۇسىنىس رەتٸندە ول الاياقتاردىڭ قۇرباندارىنا ارنالعان بٸرىڭعاي جەدەل جەلٸ اشۋدى ۇسىندى. ونىڭ پٸكٸرٸنشە, بۇل كٷرەس جاپپاي سيپات الۋى تيٸس جەنە ەربٸر جاڭا قاۋٸپ تۋرالى حالىق جەدەل تٷردە حاباردار بولۋى قاجەت.
قوعام قايراتكەرٸ سٶز سوڭىندا بۇل باستامالاردى قولداۋعا شاقىرىپ, قۇقىق قورعاۋ ورگاندارى مەن ٷكٸمەت تاراپىنان ناقتى شارالار قابىلداۋ قاجەت ەكەنٸن اتاپ ٶتتٸ.
