جوبانىڭ اشىلۋىنا استانا قالاسى اكىمى جەڭىس قاسىمبەك، قوعام قايراتكەرلەرى، جاستار، ق ر پارلامەنتى ءماجىلىسىنىڭ دەپۋتاتتارى، جاۋاپتى مەملەكەتتىك ورگانداردىڭ وكىلدەرى قاتىستى.
جوباعا كەز كەلگەن ادام تەگىن قاتىسا الادى. «JOLTAP» اياسىندا تۇرعىندار قالانىڭ بوس جۇمىس ورىندارى بار «JUMYS TAP» Telegram-بوتتپرۆن پايدالانىپ، سالا كوشباسشىلارىنىڭ تالاپتارى مەن ستاندارتتارىن، سيفرلىق داعدىلار (فريلانسقا ارنالعان ماماندىقتار) مەن شاعىن بيزنەستى اشۋعا ارنالعان شاعىن نەسيەلەۋ باعدارلامالارى جونىندە قىسقا مەرزىمدى وقۋدان وتە الادى.
«JOLTAP» جوباسى مەملەكەت باسشىسىنىڭ ءونىمدى جۇمىس ورىندارىن قۇرۋعا باسا نازار اۋدارىپ، بەلسەندى الەۋمەتتىك ساياساتتىڭ قاجەتتىلىگى تۋرالى تاپسىرمالارىن ورىنداۋ ماقساتىندا جۇزەگە اسۋدا. ايتا كەتۋ كەرەك، جوبا قۇرالدارى تۇتاستاي العاندا قازىرگى الەۋمەتتىك رەفورمالارعا ءتيىمدى قوسىمشا بولىپ سانالادى.
«JOLTAP» جوباسى اياسىندا ەلوردادا بارلىعى 10 مودۋلدىك پۋنكت جۇمىس ىستەيتىن بولادى. العاشقى بەس مودۋلدىك پۋنكت مىنا مەكەنجايلاردا جۇمىسىن باستادى:
رەسپۋبليكا داڭعىلى، 34 «جاستار» سارايى؛ «Ailand» سوو، قورعالجىن تاس جولى، 2؛ «ۆسترەچا» ءسۇ ابىلاي حان داڭعىلى، 31؛ «ازيا پارك» سوو قابانباي باتىر داڭعىلى، 21؛ «تۇلپار» سو ش. ءۋاليحانوۆ كوشەسى، 24. مودۋلدىك پۋنكتەر كۇن سايىن ساعات 10.00-دەن 20.00-گە دەيىن جۇمىس ىستەيدى.
باستاما ەلوردا اكىمدىگى مەن ءبىرقاتار مۇددەلى مەملەكەتتىك ورگانداردىڭ قولداۋىمەن ىسكە اسىرىلۋدا. جوبانىڭ بىرلەسكەن وپەراتورى – «جاڭا مۇمكىندىك» قوعامدىق قورى. بارلىق مودۋلدىك پۋنكتتەردى «حالىق» قورى ۇسىنادى.
جوباعا قوعامدىق تاماقتانۋ، ساۋدا، قۇرىلىس، كولىك جانە قىزمەت كورسەتۋ سالالارىنداعى ءىرى بيزنەس وكىلدەرى مەن سالا كوشباسشىلارى جۇمىلدىرىلعان. ولاردىڭ ىشىندە BI Group، Magnum، Marwin، Shaurma Food سىندا ەلگە تانىمال كومپانيالار بار.
