Jobanyń ashylýyna Astana qalasy ákimi Jeńis Qasymbek, qoǵam qairatkerleri, jastar, QR Parlamenti Májilisiniń depýtattary, jaýapty memlekettik organdardyń ókilderi qatysty.
Jobaǵa kez kelgen adam tegin qatysa alady. «JOLTAP» aiasynda turǵyndar qalanyń bos jumys oryndary bar «JUMYS TAP» Telegram-bottprvn paidalanyp, sala kóshbasshylarynyń talaptary men standarttaryn, tsifrlyq daǵdylar (frilansqa arnalǵan mamandyqtar) men shaǵyn biznesti ashýǵa arnalǵan shaǵyn nesieleý baǵdarlamalary jóninde qysqa merzimdi oqýdan óte alady.
«JOLTAP» jobasy Memleket basshysynyń ónimdi jumys oryndaryn qurýǵa basa nazar aýdaryp, belsendi áleýmettik saiasattyń qajettiligi týraly tapsyrmalaryn oryndaý maqsatynda júzege asýda. Aita ketý kerek, joba quraldary tutastai alǵanda qazirgi áleýmettik reformalarǵa tiimdi qosymsha bolyp sanalady.
«JOLTAP» jobasy aiasynda elordada barlyǵy 10 modýldik pýnkt jumys isteitin bolady. Alǵashqy bes modýldik pýnkt myna mekenjailarda jumysyn bastady:
Respýblika dańǵyly, 34 «Jastar» saraiy; «Ailand» SOO, Qorǵaljyn tas joly, 2; «Vstrecha» SÚ Abylai han dańǵyly, 31; «Aziia Park» SOO Qabanbai batyr dańǵyly, 21; «Tulpar» SO Sh. Ýálihanov kóshesi, 24. Modýldik pýnkter kún saiyn saǵat 10.00-den 20.00-ge deiin jumys isteidi.
Bastama elorda ákimdigi men birqatar múddeli memlekettik organdardyń qoldaýymen iske asyrylýda. Jobanyń birlesken operatory – «Jańa múmkindik» qoǵamdyq qory. Barlyq modýldik pýnktterdi «Halyq» qory usynady.
Jobaǵa qoǵamdyq tamaqtaný, saýda, qurylys, kólik jáne qyzmet kórsetý salalaryndaǵy iri biznes ókilderi men sala kóshbasshylary jumyldyrylǵan. Olardyń ishinde BI Group, Magnum, Marwin, Shaurma Food synda elge tanymal kompaniialar bar.
