الكوگولدىك ماساڭ كۇيدە بولعان ەر ادام ايەلىنە قاتىستى فيزيكالىق كۇش قولدانىپ، جانجال شىعارىپ، ونى تۇنشىقتىرا باستاعان، سودان كەيىن ونى بالكوننىڭ تەرەزە جاقتاۋىنا كوتەرىپ، 2-قاباتتىڭ بالكونىنان يتەرىپ جىبەرەدى.
وتباسىندا جانجال شىعارعان ەر ادام ءوز كىناسىن تولىقتاي مويىنداعان. جابىرلەنۋشىنىڭ ايعاقتارى مەن سوت-مەديسينالىق ساراپتاماسى دا ەر ادامانىڭ ايىپتى ەكەنىن دالەلدەپ وتىر.
سوت ايىپتالۋىشىنىڭ شىن جۇرەكتەن وكىنۋىن قىلمىستىق جاۋاپتىلىق پەن جازانى جەڭىلدەتەتىن ءمان-جاي دەپ تانىعان. ءبىراق سوت قىلمىستىق جاۋاپتىلىقتى اۋىرلاتاتىن ءمان-جاي رەتىندە ەر ادامانىڭ الكوگولدىك ماساڭ كۇيدە بولعانىن دا باسشىلىققا العان.
قىلمىستىق كودەكستىڭ 106-بابىنىڭ 1-بولىگىندەگى «دەنساۋلىققا قاساقانا اۋىر زيان كەلتىرۋ» بويىنشا ايىپتالۋشىنىڭ 3 جىلدان 8 جىلعا دەيىنگى مەرزىمگە باس بوستاندىعىنان ايىرۋ تۇرىندەگى جازانى قاراستىرادى.
سوت ۇكىمى ەر ادام دەنساۋلىققا قاساقانا اۋىر زيان كەلتىرگەنى ءۇشىن كىنالى دەپ تانىپ، ەر ادامدى 3 جىلعا باس بوستاندىعىنان ايىردى. سوتتىڭ ۇكىمى زاڭدى كۇشىنە ەندى.
