قازاقستاندا «استانا – تالدىقورعان» باعىتىندا جاڭا تەمٸرجول قاتىناسى ٸسكە قوسىلادى, دەپ حابارلايدى Dala News.
كٶلٸك مينيسترلٸگٸنٸڭ مەلٸمەتٸنشە, جاڭا مارشرۋتتى اشۋ تۋرالى شەشٸم مەجٸلٸس دەپۋتاتتارىنىڭ باستاماسىمەن قابىلدانىپ, كٶلٸك مينيسترلٸگٸ, ۇلتتىق تاسىمالداۋشى «جولاۋشىلار تاسىمالى» اق جەنە ازاماتتاردىڭ كٶپجىلعى ٶتٸنٸشتەرٸ نەگٸزٸندە جٷزەگە اسقان.
جاڭا تەمٸرجول باعىتى جەتٸسۋ وبلىسىنىڭ كٶلٸككە قولجەتٸمدٸلٸگٸن ارتتىرۋعا, جولاۋشىلار سۇرانىسىن ٶتەۋگە جەنە ەلوردا مەن ٶڭٸرلەر اراسىنداعى قاۋٸپسٸز ەرٸ تۇراقتى قاتىناستى قامتاماسىز ەتۋگە باعىتتالعان.
العاشقى كەزەڭدە ۇلتتىق تاسىمالداۋشى ەكٸ جولاۋشىلار ۆاگونىن بٶلدٸ. ولار كٷن ارا قاتىناپ, №122/121 «نۇرلى جول – سەمەي» پويىزىنىڭ قۇرامىندا جٷرەدٸ. اقتوعاي ستانتسيياسىندا ۆاگوندار №631/632 «اقتوعاي – تالدىقورعان» پويىزىنا تٸركەلٸپ, وسىلايشا بٷكٸل باعىت بويىنشا ٷزدٸكسٸز قاتىناس قامتاماسىز ەتٸلەدٸ.
مينيسترلٸك بۇل جوبا ەزٸرگە سىناق رەجيمٸندە ٸسكە قوسىلاتىنىن اتاپ ٶتتٸ. ەگەر جولاۋشىلار اعىنى تۇراقتى بولسا, ۆاگون سانى مەن قاتىناۋ جيٸلٸگٸ كەزەڭ-كەزەڭٸمەن ارتتىرىلماق.
جاڭا باعىتتىڭ اشىلۋى ٶڭٸرلەر اراسىنداعى ەلەۋمەتتٸك-ەكونوميكالىق بايلانىستاردى نىعايتىپ, حالىقتىڭ قوزعالىسىن جەڭٸلدەتۋگە, ٸشكٸ تۋريزم مەن ٸسكەرلٸك بەلسەندٸلٸكتٸ دامىتۋعا سەرپٸن بەرەدٸ دەپ كٷتٸلۋدە. سونداي-اق بۇل جەتٸسۋ وبلىسىنىڭ تۋريستٸك تارتىمدىلىعىن ارتتىرۋعا ىقپال ەتپەك.
پويىزدىڭ العاشقى رەيسٸ بيىلعى سەۋٸر ايىنا جوسپارلانعان جەنە تالدىقورعان قالاسىنداعى جاڭعىرتىلعان تەمٸرجول ۆوكزالىنىڭ سالتاناتتى اشىلۋىمەن تۇسپا-تۇس كەلەدٸ. جاڭارتىلعان ۆوكزال جولاۋشىلارعا جوعارى دەڭگەيدەگٸ جايلىلىق, سەرۆيس جەنە قاۋٸپسٸزدٸك ۇسىنباق.
كٶلٸك مينيسترلٸگٸ مەملەكەت باسشىسىنىڭ تاپسىرمالارىنا سەيكەس, جولاۋشىلار تاسىمالىنىڭ مارشرۋتتىق جەلٸسٸن كەڭەيتۋ جەنە كٶلٸك قىزمەتٸنٸڭ ساپاسىن ارتتىرۋ باعىتىنداعى جٷيەلٸ جۇمىستى جالعاستىراتىنىن مەلٸمدەدٸ.
