مەملەكەت باسشىسى قاسىم-جومارت توقاەۆ قازاقستان حالقى اسسامبلەياسىنىڭ حححٸV سەسسيياسىنا قاتىستى, - دەپ حابارلايدى Dalanews.kz.
قاسىم-جومارت توقاەۆ باسقوسۋدىڭ تاريحي مەن-ماڭىزى ايرىقشا ەكەنٸن مەلٸمدەدٸ.
"بيىل قازاقستان حالقى اسسامبلەياسىنىڭ قۇرىلعانىنا 30 جىل تولىپ وتىر. بارشاڭىزعا قۇتتى بولسىن! بۇل – بٷكٸل قازاقستان ٷشٸن ايتۋلى وقيعا. وسى ۋاقىت ٸشٸندە اسسامبلەيا قوعامداعى تۇراقتىلىق پەن كەلٸسٸمدٸ نىعايتۋعا ٶلشەۋسٸز ٷلەس قوستى. ەلٸمٸزدەگٸ بٸرلٸك پەن تەڭدٸكتٸڭ, تۇراقتىلىق پەن تىنىشتىقتىڭ سيمۆولىنا اينالدى. ەتنوسارالىق قاتىناس سالاسىنداعى تەڭدەسسٸز قوعامدىق ينستيتۋت رەتٸندە تانىلدى. سونىڭ ارقاسىندا قازاقستاندا بەيبٸتشٸلٸك پەن كەلٸسٸمنٸڭ قايتالانباس ٷلگٸسٸ قالىپتاستى. اسسامبلەيا تاريحى ەلٸمٸزدٸڭ ەگەمەندٸك جىلناماسىمەن تىعىز استاسىپ جاتىر. ۇيىم 1995 جىلى قازاقستاننىڭ تۇڭعىش پرەزيدەنتٸ نۇرسۇلتان نازارباەۆتىڭ باستاماسىمەن قۇرىلعانىن بٸلەسٸزدەر. بۇل باستاما قازاق مەملەكەتتٸلٸگٸ قالىپتاسىپ جاتقان قيىن كەزەڭدە تەرەڭ ساياسي مەنگە يە بولدى.
كونسۋلتاتيۆتٸك-كەڭەستٸك ورگان رەتٸندە جاساقتالعان اسسامبلەياعا 2007 جىلى كونستيتۋتسييالىق مەرتەبە بەرٸلدٸ. ۇيىم جالپىۇلتتىق بٸرلٸكتٸڭ نەگٸزگٸ مودەلٸنە اينالدى. ەلٸمٸزدە سوڭعى جىلدارى اتقارىلعان اۋقىمدى ٶزگەرٸستەردٸڭ ارقاسىندا اسسامبلەيا قىزمەتٸ جاسامپازدىقتىڭ جاڭا سيپاتىنا كٶتەرٸلدٸ. سەناتتىڭ بەس دەپۋتاتىن اسسامبلەيا كەڭەسٸنٸڭ ۇسىنىسىمەن پرەزيدەنت تاعايىندايدى. بۇل قادام زاڭنامالىق دەڭگەيدە بارلىق ەتنوستىڭ مٷددەسٸن قورعاۋ مٷمكٸندٸگٸن ەدەۋٸر ارتتىردى. وعان قوسا, قازاقستان پارلامەنتاريزمٸ تاريحىندا العاش رەت «بٸر ەل – بٸر مٷددە» اتتى پالاتاارالىق دەپۋتاتتار توبى قۇرىلدى. بۇل توپ قوعامدىق كەلٸسٸمدٸ نىعايتۋ مەسەلەلەرٸمەن اينالىسادى. قازٸر مەملەكەتتٸك ورگاندار تٷگەل اسسامبلەيا جۇمىسىنا اتسالىسادى. مينيسترلٸكتەردەن, وبلىس ەكٸمدٸكتەرٸ مەن بارلىق دەڭگەيدەگٸ مەسليحاتتاردان باستاپ اۋىل ەكٸمدٸكتەرٸنە دەيٸن ودان شەت قالمايدى", - دەدٸ پرەزيدەنت.
مەملەكەت باسشىسى اسسامبلەيا قوعامدىق ۇيىمدارمەن جەنە ينستيتۋتتارمەن تىعىز بايلانىستا جۇمىس ٸستەپ, ەلٸمٸزدٸڭ ٸشكٸ ساياساتىن جٷزەگە اسىرۋعا بەلسەنە اتسالىسىپ كەلە جاتقانىن ايتتى.
"وسىلايشا, مەملەكەت پەن قوعام اراسىندا سىندارلى ەرٸ جەمٸستٸ ديالوگ ورناتۋعا ىقپال ەتۋدە. قازاقستان حالقى اسسامبلەياسىنىڭ 12 مٷشەسٸ ۇلتتىق قۇرىلتاي قۇرامىندا تابىستى ەڭبەك ەتٸپ, ەلدٸك باستامالارعا ٶز ٷلەسٸن قوسىپ جاتىر. اسسامبلەيا سەسسيياسى جىل سايىن ٶتەدٸ. وندا قابىلدانعان شەشٸمدەردٸ مەملەكەتتٸك ورگاندار مٸندەتتٸ تٷردە ەسكەرۋگە تيٸس. سەسسييالار ارالىعىنداعى جۇمىستى اسسامبلەيا كەڭەسٸ اتقارادى.
ونىڭ قۇرامىنا ەتنومەدەني بٸرلەستٸكتەردٸڭ ٶكٸلدەرٸ, قوعام قايراتكەرلەرٸ, پارلامەنت دەپۋتاتتارى, مينيسترلەر مەن ەكٸمدەر كٸرەدٸ. قحا حاتشىلىعى پرەزيدەنت ەكٸمشٸلٸگٸنٸڭ دەربەس قۇرىلىمدىق بٶلٸمٸ سانالادى. بارلىق ٶڭٸردە دوستىق ٷيٸ بار. وندا مىڭنان استام ەتنومەدەني بٸرلەستٸكتەر ورنالاسقان. سونداي-اق وبلىس ەكٸمدٸكتەرٸندە «قوعامدىق كەلٸسٸم» مەملەكەتتٸك مەكەمەلەرٸ قۇرىلدى. اسسامبلەيا قۇرىلىمىندا تٶرت مىڭنان استام قوعامدىق ۇيىم جۇمىس ٸستەيدٸ. بۇل ۇيىمداردىڭ ماقساتى – بٸر, بۇل – ازاماتتارىمىزدى ەلدٸك ماڭىزى بار جۇمىسقا تارتۋ, ياعني ورتاق ٸسكە جۇمىلدىرۋ. مىسالى, اقساقالدار كەڭەسٸ مەن انالار كەڭەسٸ وتباسى ينستيتۋتىن نىعايتۋعا, جالپىۇلتتىق قۇندىلىقتاردى دەرٸپتەۋگە اتسالىسىپ, اۋقىمدى جۇمىس جٷرگٸزۋدە", - دەدٸ توقاەۆ.
