ەسكە سالا كەتەيٸك, 10 مامىردا ريددەردە ورمان ٶرتٸ ٶرشٸپ, قاتتى جەلدٸڭ سالدارىنان ٶرت جاقىن ماڭداعى ٷيلەرگە تارادى. ٶرت اۋماعى 298 گەكتاردى قۇرادى. ونىڭ 283 گەكتارى – ورمان اۋماعى. ٶرت 59 تۇرعىن ٷي ورنالاسقان بەس كٶشەنٸ قامتىدى, 31 ٷي تولىعىمەن ٶرتەنٸپ كەتتٸ. بٸر مەزەتتە 80 ادام ٷيسٸز قالدى. ٶرت سالدارىنان بٸر ادام قازا تاۋىپ, ەكٸ ادام كٷيٸك شالىپ, جانساقتاۋ بٶلٸمٸندە جاتىر. ايتارلىقتاي ماتەريالدىق شىعىن كەلتٸرٸلدٸ.
ەل پرەزيدەنتٸ قاسىم-جومارت توقاەۆ ٶرتتەن زارداپ شەككەن لەسحوز تۇرعىندارىنا كٶمەك كٶرسەتۋدٸ جەنە ولاردى تۇرعىن ٷيمەن قامتاماسىز ەتۋدٸ تاپسىردى. نەتيجەسٸندە زارداپ شەككەندەردٸڭ بٸر بٶلٸگٸ «قازمىرىش» جشس قوناق ٷيٸنە, ەكٸنشٸ بٶلٸگٸ تۋىستارىنا ورنالاستىرىلدى. «قازمىرىش» پروفيلاكتورييٸنە كٶشٸرٸلگەندەر قۇرىلىستىڭ سوڭىنا دەيٸن تەگٸن تۇرعىن ٷيمەن جەنە تاماقپەن قامتاماسىز ەتٸلەدٸ. بۇدان باسقا, كەسٸپورىن بانك كارتالارىن رەسٸمدەگەننەن كەيٸن ەربٸر وتباسىنا 1 ميلليون تەڭگەدەن اۋدارادى.
ايماق باسشىسى ٶرت سٶندٸرۋشٸلەردٸڭ قالىپتى ٶمٸرگە تەز ورالۋى ٷشٸن جەدەل شارا قابىلدادى. 11 مامىردا ارنايى كوميسسييا تۇرعىنداردىڭ ماتەريالدىق شىعىنىن انىقتاۋعا كٸرٸستٸ.
وبلىس ەكٸمٸ دانيال احمەتوۆ تۇرعىندارمەن كەزدەسۋ بارىسىندا جويىلعان ٷيلەر قالپىنا كەلتٸرٸلمەيتٸنٸن حابارلادى. بارلىق زارداپ شەككەندەر قالا ورتالىعىنا جاقىن ورنالاسقان «بوتانيكا» جاڭا شاعىن اۋدانىندا سۋ قۇبىرى مەن ٷي جانىنداعى ۋچاسكەسٸ بار 80 شارشى مەتر تۇرعىن ٷيگە تەگٸن يە بولادى.
سونداي-اق, جاڭا اۋداننىڭ ينفراقۇرىلىمدىق جوبالارىنىڭ سمەتالارى دايىندالدى. اتاپ ايتقاندا جول تٶسەمٸن جٶندەۋ, ەلەكترمەن جابدىقتاۋ, ورتالىق سۋمەن جابدىقتاۋ, اۋماقتى اباتتاندىرۋ.
اسقار مامين زارداپ شەككەندەرگە ارنالعان ٷيلەردٸڭ قۇرىلىس بارىسىن تەكسەرٸپ, تۇرعىندارمەن كەزدەستٸ.
وبلىس ەكٸمٸ تامىز ايىنىڭ سوڭىنا دەيٸن ٶرتتەن زارداپ شەككەندەردٸ ٷيمەن قامتاماسىز ەتۋگە ۋەدە بەردٸ. قۇرىلىسشىلار بارلىق جۇمىستاردى مەرزٸمٸندە اياقتايتىنىنا سەنٸمدٸ.
