مەجٸلٸس دەپۋتاتى مارحابات جايىمبەتوۆ بيۋدجەت قارجىسىنا قاتىستى ماڭىزدى ساۋال كٶتەردٸ, دەپ حابارلايدى Dalanews.kz.
دەپۋتات پرەمەر-مينيستر ولجاس بەكتەنوۆكە دەپۋتاتتىق ساۋال جولدادى.
"مەملەكەت باسشىسى جولداۋىندا: "بيۋدجەت قاراجاتىنىڭ ەربٸر تەڭگەسٸ ەل يگٸلٸگٸنە جۇمسالۋى تيٸس. ياعني قاراجاتتى مۇقييات ويلاستىرىپ جۇمساۋ كەرەك" دەپ ناقتى اتاپ ٶتتٸ. الايدا اۋديتورلىق پالاتانىڭ اقپاراتى بيۋدجەت قارجىسى قالايشا ەسەپسٸز جۇمسالىپ جاتقانىن انىق كٶرسەتٸپ وتىر. مەسەلەن كٶلٸك سالاسىنىڭ ٶزٸندە بٸر ەمەس, بٸرنەشە مىسال مۇنى دەلەلدەيدٸ", - دەدٸ ول.
جايىمبەتوۆ الدىمەن "باكاد" جوباسىن تٸلگە تيەك ەتتٸ. ونىڭ سٶزٸنشە, جوبانىڭ سمەتاسى دوللاردى 575 تەڭگەدەن ەسەپتەپ جاسالعان, ال ٷكٸمەتتٸڭ رەسمي باعامى - 540 تەڭگە.
"وسى ايىرماشىلىقتىڭ ٶزٸ-اق 2 ميلليارد تەڭگەنٸڭ ارتىق شىعىنىنا ەكەلٸپ وتىر. بۇدان بٸز قاراجاتتى ۇقىپسىز جوسپارلاۋدىڭ كٶرٸنٸسٸن كٶرٸپ وتىرمىز", - دەدٸ ول.
دەپۋتاتتىڭ پٸكٸرٸنشە, "جولاۋشىلار تاسىمالى" اكتسيونەرلٸك قوعامىنا بٶلٸنەتٸن قارجى دا كٷمەندٸ.
"جىل سايىن 8 ميلليارد تەڭگە سۋبسيدييا قاراستىرىلعان. بٸراق ليزينگ شارتتارى بەكٸتٸلمەگەن. قۇقىقتىق تۇرعىدان دا, قارجىلىق تەرتٸپ تۇرعىسىنان دا قۇجاتى جوق جوبانى قارجىلاندىرۋدىڭ قيسىنى جوق", - دەدٸ ول.
سونىمەن قاتار, شەكاراداعى ٶتكٸزۋ بەكەتتەرٸنە 2021 جىلدان بەرٸ مول قارجى بٶلٸنگەن.
"بٸراق جۇمىس ەلٸ تولىق اياقتالعان جوق, بيۋدجەتتەن قايتا-قايتا قوسىمشا قاراجات سۇرالىپ وتىر. نەتيجەسٸندە 8 جوبانىڭ 6-ىنا ارتىق شىعىن كٶلەمٸ 26 ميلليارد تەڭگەگە جەتكەن. بۇل دەگەنٸمٸز مەملەكەت قارجىسىنا جاسالعان سالعىرتتىقتىڭ ايعاعى. ال قازاقستان - قىرعىزستان شەكاراسىنداعى "قاراسۋ" بەكەتٸنە قوسىمشا 6,9 ميلليارد تەڭگە سۇرالىپ وتىر. بٸراق ول بويىنشا ساراپتاما قورىتىندىسى دا, جەر ۋچاسكەسٸنە قۇقىقتىق قۇجاتتار دا جوق. مۇنداي جاعدايدا قارجى بٶلۋ - اشىق تالان-تاراجعا جول اشقانمەن تەڭ", - دەدٸ جايىمبەتوۆ.
دەپۋتاتتىڭ سٶزٸنشە, بيۋدجەت قارجىسى كٷمەندٸ جوبالارعا ەمەس, ەلدٸڭ تۇرمىسىن تٷزەۋگە باعىتتالعانى جٶن.
