اسابانى اينالاڭنان ٸزدە
...اسابا كٶپ دەدٸك قوي. قازٸر كٸم اسابا ەمەس, تانىمال تەلەجٷرگٸزۋشٸلەردەن باستاپ, ەنشٸلەر, جۋرناليستەر, ەڭ اياعى ەكٸ اۋىز ماقال-مەتەلدٸڭ باسىن قوسىپ سٶيلەي الاتىن, كٶپشٸلٸك ورتادا قىسىلماي, ٶزٸن ەركٸن ۇستاي بٸلەتٸن قاراپايىم اۋىل ازاماتىنا دەيٸن قالىڭ تويدىڭ ورتاسىندا جٷر. كٶپ بولعان سوڭ تاڭداۋ جاعى توي جاسايتىن ادامنىڭ ەركٸنە تيەتٸنٸ – زاڭدىلىق. ادامنىڭ بەرٸ دە تويىم ەلدٸكٸنەن ەرەكشە قىزىقتى ٶتسٸن دەپ تٸلەيدٸ. سٶيتٸپ «تاس لاقتىرساڭ اساباعا تيەتٸن» زاماندا ٶزدەرٸنٸڭ تالعامىنا جاۋاپ بەرە الاتىن اسابانى ٸزدەستٸرەدٸ.
...ەرتەرەكتە اۋىلدا سٶزگە ەبٸ بار, اسابالىقتى جارىم-جارتىلاي عانا بولسا دا اتقارا الاتىن بٸرەۋدٸ سايلايتىن. ەسەسٸنە ول – سەنٸڭ اۋىلداسىڭ. تويعا كەلگەن بار قوناعىڭدى بٸلەدٸ, كٸمنٸڭ قانداي قىزمەتٸ بارى, مٸنەزٸ قانداي, ارتىقشىلىق-كەمشٸلٸگٸ – بەرٸ-بەرٸ كٶكٸرەگٸندە سايراپ تۇرعاندىقتان يمپروۆيزاتسييالىق قابٸلەتٸ ٶز-ٶزٸنەن جۇمىس ٸستەپ كەتەدٸ دە, تويدى اناعۇرلىم قىزىقتى, كٷلكٸلٸ, كٶڭٸلدٸ ٶتكٸزەتٸن. باستىسى, شىنايىلىقتىڭ يٸسٸ اڭقىپ تۇراتىن. تويدان دەمالىپ تارقاساتىنبىز.
ال قازٸر شە? قازٸرگٸ توي يەلەرٸ تويىن باسقارۋعا تانىمال ەزٸل-سىقاق تەاترلارىنىڭ ەرتٸستەرٸن شاقىرۋعا تىرىسادى. بۇل ەندٸ «تويىم قىزىقتى ٶتسٸن» دەگەننەن گٶرٸ, «تويىم ارقىلى بٸراز ابىروي جيناپ الايىن» دەيتٸن ادامنىڭ پەندەۋي ەرەكەتٸنە كٶبٸرەك ۇقسايدى. ٶيتكەنٸ ولار كٶبٸنە ٶزدەرٸنٸڭ جاتتاندى ستسەنارييلەرٸن سۋدىراتىپ ايتىپ ٶتە شىعادى دا, كەلٸسكەن بۋدا-بۋدا اقشانى قالتاسىنا سالىپ الىپ, قاراسىن باتىرادى. ولاي دەيتٸنٸم, ونداي تانىمال اسابالار سەنٸڭ ەشقانداي جەكجاتىڭدى دا, دوسىڭدى دا تانىمايدى, تانىماعان سوڭ تٸلەك ايتاتىن ادامنىڭ بولمىسىنا, تابيعاتىنا لايىقتاپ, كەلتٸرٸپ ماقتاۋ سٶز ايتا المايدى. پەلەنباي تويدا ايتىلىپ, جۇرتتىڭ قۇلاعىن سارسىلتقان ماقال-مەتەلدەرٸ مەن تاقپاقتارىن «تٶگٸپ-تٶگٸپ» جٸبەرگەندە تويدان قاشىپ كەتكٸڭ كەلەدٸ. توي توي ەمەس, رەسمي جيىنعا اينالىپ كەتەدٸ.
وسىعان بايلانىستى ايتارىم, اسابانى ٶز اينالاڭنان ٸزدەگەن دۇرىس. ٶزٸڭدٸ جاقسى تانيتىن, سىر الىسىپ, سىر بەرٸسكەن, «تويىن ناشار باسقارسام كەيٸن كٶشەدە كٶرسەم ۇيالىپ قالامىن-اۋ» دەپ قىسىلاتىن ادامدى سايلاعانىڭىز ماقۇلىراق. دەل وسىلاي جاساساڭىز – تويىڭىز قىزىقتى ٶتەدٸ.
م. ورازتايۇلى.
دەرەككٶزٸ: zamana.kz
