باس پروكۋراتۋرا مەن ىشكى ىستەر مينيسترلىگىنىڭ قىزمەتكەرلەرى ق ر سىرتقى ىستەر مينيسترلىگىنىڭ كومەگىمەن كۇدىكتىنى اسا ءىرى كولەمدە الاياقتىق جاساعانى ءۇشىن قىلمىستىق جاۋاپقا تارتۋ ماقساتىندا چەحيادان ەكستراديسيالادى، دەپ حابارلايدى Dalanews.kz.
"ول 2021 جىلدىڭ كوكتەمىندە جابىرلەنۋشىگە حالىق تۇتىناتىن تاۋارلاردى قازاقستاننان رەسەيگە تاسىمالداۋ قىزمەتىن ۇسىنىپ، ودان كەيىن الداۋ ارقىلى جابىرلەنۋشىنىڭ 19 ميلليون تەڭگەگە جۋىق تاۋارىن يەمدەنىپ، ونى باسقا تۇلعالارعا ساتىپ، اقشاسىن جىمقىرعان دەگەن كۇدىككە ىلىنگەن"، - دەلىنگەن باس پروكۋراتۋرا حابارلاماسىندا.
قىلمىس جاساعاننان كەيىن كۇدىكتىنىڭ جاسىرىنۋىنا بايلانىستى وعان حالىقارالىق ىزدەۋ جاريالاندى. بيىل قاڭتاردا ول چەحيادا ۇستالدى.
"قازىرگى ۋاقىتتا كۇدىكتى ۋاقىتشا ۇستاۋ يزولياتورىنا قامالدى"، - دەلىنگەن حابارلامادا.
ايىپتالعان قىلمىستى جاساعانى ءۇشىن مۇلكى تاركىلەنىپ، 5 جىلدان 10 جىلعا دەيىنگى مەرزىمگە باس بوستاندىعىنان ايىرۋ تۇرىندەگى جازا قاراستىرىلعان.
