Asa iri alaıaqtyq jasady degen kúdikti Chehıadan Qazaqstanǵa ekstradısıalandy

Qarakóz Amantaı 15 naý. 2024 14:49 1579

Bas prokýratýra men İshki ister mınıstrliginiń qyzmetkerleri QR Syrtqy ister mınıstrliginiń kómegimen kúdiktini asa iri kólemde alaıaqtyq jasaǵany úshin qylmystyq jaýapqa tartý maqsatynda Chehıadan ekstradısıalady, dep habarlaıdy Dalanews.kz.

"Ol 2021 jyldyń kókteminde jábirlenýshige halyq tutynatyn taýarlardy Qazaqstannan Reseıge tasymaldaý qyzmetin usynyp, odan keıin aldaý arqyly jábirlenýshiniń 19 mıllıon teńgege jýyq taýaryn ıemdenip, ony basqa tulǵalarǵa satyp, aqshasyn jymqyrǵan degen kúdikke ilingen", - delingen Bas prokýratýra habarlamasynda.

Qylmys jasaǵannan keıin kúdiktiniń jasyrynýyna baılanysty oǵan halyqaralyq izdeý jarıalandy. Bıyl qańtarda ol Chehıada ustaldy.

"Qazirgi ýaqytta kúdikti ýaqytsha ustaý ızolátoryna qamaldy", - delingen habarlamada.

Aıyptalǵan qylmysty jasaǵany úshin múlki tárkilenip, 5 jyldan 10 jylǵa deıingi merzimge bas bostandyǵynan aıyrý túrindegi jaza qarastyrylǵan.


Usynylǵan
Sońǵy jańalyqtar