قازاقستانداعى ادام قۇقىقتارى جٶنٸندەگٸ ۋەكٸل ارتۋر لاستاەۆ قىز الىپ قاشۋ ەرەكەتٸ زاڭ تالاپتارىن ٶرەسكەل بۇزۋ ەكەنٸن ايتتى, دەپ حابارلايدى dalanews.kz.
ول بۇل پٸكٸرٸن پارلامەنت مەجٸلٸسٸندە ٶتكەن ستالكينگ پەن قىز الىپ قاشۋعا قارسى ٸس-قيمىل مەسەلەلەرٸنە ارنالعان دٶڭگەلەك ٷستەلدە ايتىلعان پٸكٸرتالاستارعا بايلانىستى بٸلدٸردٸ.
ونىڭ ايتۋىنشا, ٶتكەن جىلدىڭ كٷزٸندە قىز الىپ قاشۋ ەرەكەتٸ ٷشٸن قىلمىستىق جاۋاپتىلىقتى كٶزدەيتٸن زاڭ كٷشٸنە ەنگەن. بۇل مەسەلە 2023 جىلدان بەرٸ كٶتەرٸلٸپ, ساراپتامالىق جەنە تٷسٸندٸرۋ جۇمىستارى جٷرگٸزٸلگەن.
«ادام ۇرلاۋدىڭ كەز كەلگەن تٷرٸ زاڭ تالاپتارىن ٶرەسكەل بۇزۋ بولىپ تابىلادى. بۇل قۇقىققا قايشى ەرەكەت مەدەنيەتكە, ۇلتتىق دەستٷرلەرگە, وتباسىلىق نەمەسە كەز كەلگەن ٶزگە دە ٶمٸرلٸك مەن-جايلارعا سٸلتەمە جاساۋ ارقىلى ەشقانداي ەرەكشەلٸك رەتٸندە تانىلمايدى جەنە اقتاۋعا جاتپايدى», – دەدٸ ارتۋر لاستاەۆ.
ول قازاقستان رەسپۋبليكاسى قىلمىستىق كودەكسٸنٸڭ 125-بابىنا سەيكەس ادام ۇرلاۋ قىلمىسى ٷشٸن 15 جىلعا دەيٸن باس بوستاندىعىنان ايىرۋ جازاسى قاراستىرىلعانىن ەسكە سالدى.
سونداي-اق ومبۋدسمەن بۇل ەرەكەتتٸڭ قازاق حالقىنىڭ دەستٷرلەرٸ مەن ەدەت-عۇرىپ قۇقىعىنا ەشقانداي قاتىسى جوق ەكەنٸن اتاپ ٶتتٸ.
ارتۋر لاستاەۆ كونستيتۋتسيياعا سەيكەس نەكە مەملەكەت بەلگٸلەگەن تەرتٸپپەن تٸركەلگەن ەر مەن ەيەلدٸڭ ەرٸكتٸ ەرٸ تەڭ قۇقىقتى وداعى ەكەنٸن ايتتى.
«قازاقستان رەسپۋبليكاسىنىڭ ازاماتتارىن كونستيتۋتسييا مەن ٶزگە دە زاڭداردىڭ تالاپتارىن قاتاڭ ساقتاۋعا شاقىرامىن», – دەدٸ ول.
