ەلبرۋس تاۋىنا كٶتەرٸلۋ كەزٸندە 11 جاستاعى بالا قازا تاۋىپ, ونىڭ ەكەسٸ اۋىر جاراقات الدى. بۇل تۋرالى رەسەي تٶتەنشە جاعدايلار مينيسترلٸگٸنٸڭ ەلبرۋس بيٸك تاۋلى ٸزدەستٸرۋ-قۇتقارۋ جاساعى حابارلادى, دەپ جازادى dalanews.kz.
قايعىلى وقيعا تەڭٸز دەڭگەيٸنەن شامامەن 4200-4600 مەتر بيٸكتٸكتە بولعان. زارداپ شەككەندەردٸ ٸزدەۋگە 12 قۇتقارۋشى اتتاندى.
ەكەسٸ مەن بالاسى دونەتسكٸدەن شىققان
مەكتەپ وقۋشىسى 40 جاستاعى ەكەسٸ رومانمەن بٸرگە تاۋعا شىققان. Mash ارناسىنىڭ الدىن الا مەلٸمەتٸنشە, ولار كەرٸ تٷسٸپ كەلە جاتقاندا قاۋٸپسٸزدٸك ارقانى ٷزٸلٸپ كەتكەن.
"ولار كٶزدەگەن جەرٸنە جەتٸپ, تٶمەن تٷسە باستاعان. سول سەتتە, الدىن الا مەلٸمەت بويىنشا, ساقتاندىرۋ ارقانى ٷزٸلگەن. بالا العان جاراقاتتارىنان قازا تاپتى. ال ەر ادامنىڭ قابىرعالارى مەن تٸزەلەرٸ سىنعانىمەن, ول كٶمەك شاقىرا العان", – دەپ جازادى ارنا.
رومان مەن ونىڭ ۇلى دونەتسكٸدەن شىققان. سوڭعى جىلدارى ولار ستاۆروپول ٶلكەسٸندەگٸ رىزدۆيانىي كەنتٸندە تۇرعان.
بىلتىر ەكەسٸ مەن بالاسى ەلبرۋسقا تاعى كٶتەرٸلگەن. الايدا بالانىڭ جاعدايى ناشارلاپ, شىڭعا 300 مەتر قالعاندا كەرٸ قايتۋعا مەجبٷر بولعان. سوعان قاراماستان, ولار گاراباشي ستانتسيياسىندا بالا وقيتىن مەكتەپتٸڭ تۋىن كٶتەرٸپ, بٸلٸم ورداسى باسشىلىعىنىڭ العىسىنا يە بولعان.
ەكەسٸ مەن بالاسى كٷردەلٸ باعىتتى تاڭداعان
Mash مەلٸمەتٸنشە, ەكەسٸ بالاسىنىڭ دەنەسٸنٸڭ جانىندا قۇتقارۋشىلاردى كٷتكەن. جەر بەدەرٸنٸڭ كٷردەلٸ بولۋىنا بايلانىستى ونى بٸردەن ەۆاكۋاتسييالاۋ مٷمكٸن بولماعان.
ارنا ەر ادامنىڭ ەۋەسقوي الپينيست بولعانىن جەنە تاۋدىڭ بارلىق باعىتىن باعىندىرۋدى ارمانداعانىن جازادى. بىلتىر ول بالاسىمەن بٸرگە ەلبرۋستىڭ سولتٷستٸك بەتكەيٸنە كٶتەرٸلسە, بيىل شىعىس باعىتىن تاڭداعان. بۇل باعىت ەڭ كٷردەلٸ باعىتتاردىڭ بٸرٸ سانالادى.
اقپاراتقا سەيكەس, كٶتەرٸلۋ كەزٸندە بالاسىمەن بٸرگە جٷرگەن تاعى بٸر تۋريست ەر ادامعا ەرٸ قاراي بارۋدىڭ قاۋٸپتٸ ەكەنٸن ەسكەرتكەن. الايدا ول بۇل ەسكەرتۋگە قاراماستان جولىن جالعاستىرعان.
ەۆاكۋاتسييا 20 شٸلدەگە جوسپارلاندى
قۇتقارۋشىلار جارالانعان ەر ادام مەن ونىڭ قازا تاپقان ۇلىن ەلبرۋستىڭ شىعىس بەتكەيٸنەن, شامامەن 4200 مەتر بيٸكتٸكتەن تاپتى.
قاراڭعى تٷسۋٸنە بايلانىستى ەۆاكۋاتسييانى 20 شٸلدەگە قالدىرۋ تۋرالى شەشٸم قابىلدانعان. بۇل جٶنٸندە رەسەي تٶتەنشە جاعدايلار مينيسترلٸگٸنٸڭ كاباردين-بالقار رەسپۋبليكاسى بويىنشا باسقارماسى حابارلادى.
ولاردى تاۋدان تٷسٸرۋ ٷشٸن كوممەرتسييالىق تٸكۇشاق پايدالانۋ جوسپارلانعان.
تٶتەنشە جاعدايلار قىزمەتٸنٸڭ مەلٸمەتٸنشە, ەكەسٸ مەن بالاسىنىڭ تۋريستٸك باعىتى الدىن الا تٸركەلمەگەن.
