تۇركىستان وبلىسىنىڭ اكىمى نۇرالحان كوشەروۆ وبلىس ورتالىعىنداعى ارنايى ەكونوميكالىق ايماقتا قۇرىلىسى ءجۇرىپ جاتقان زاۋىتتارداعى جۇمىسپەن، جوبالارمەن تانىستى. اتقارىلىپ جاتقان ىستەردى سارالاپ، ينۆەستورلارمەن الداعى جوسپارلار جونىندە پىكىر الماستى، – دەپ حابارلايدى Dalanews.kz تۇركىستان وبلىسى اكىمىنىڭ باسپا ءسوز قىزمەتىنە سىلتەمە جاساپ.
ءوڭىر باسشىسى «PSI Mineral Technologies» ج ش س تۇركىستان قالاسىنداعى تاۋ-كەن مەتاللۋرگيا كەشەنىنە ارنالعان اۋىر تەحنيكا شىعاراتىن زاۋىتىنىڭ قۇرىلىسىن قاداعالادى. زاۋىت ديرەكتورىنىڭ ايتۋىنشا، جوبانىڭ قۋاتى – جىلىنا 956 توننا، جوبانىڭ قۇنى – 8 323،4 ملن تەنگە. وندىرىلگەن تەحنيكالار ەلىمىزگە جانە شەتەلدەرگە ساۋدالانباق. قۇرىلىس جۇمىستارى كەستەگە ساي جۇرۋدە، ءبىرىنشى كەزەڭى بيىل ىسكە قوسىلادى.
– وبلىس اكىمدىگى تاراپىنان جەر، ينفراقۇرىلىم، قۇجاتتاندىرۋعا قاتىستى ماسەلەلەردى شەشىپ بەرەمىز. سىزدەر ءار جوبانى ۋاقتىلى جۇزەگە اسىرىپ، ىسكە قوسۋلارىڭىز كەرەك. جەرگىلىكتى تۇرعىنداردىڭ جۇمىسپەن قامتىلۋىنا ءمان بەرىلەدى. ماقساتىمىز – ءوندىرىستى دامىتۋ، – دەدى نۇرالحان كوشەروۆ.
نۇرالحان كوشەروۆ «التىن دالا ماقتا» ءجشس-نىڭ تۇركىستان قالاسىنداعى بىرىكتىرىلگەن قويماسى بار پۆح قۇبىرلارىن شىعاراتىن زاۋىتىنىڭ جۇمىسىن كوردى. بۇل زاۋىت جىلىنا 1،44 ملن مەتر قۇبىر شىعارۋعا قاۋقارلى. 60 ادام جۇمىسپەن قامتىلعان.
ودان كەيىن وبلىس اكىمىنە «تۇركىستان ماقتا اگروونەركاسىپ كەشەنى» ءجشس-نىڭ ماقتا فابريكاسى مەن سەحتارىنىڭ قۇرىلىسى تانىستىرىلدى. جۇمىس قارقىندى جۇرۋدە. جوبانىڭ قۇنى 146،8 ملرد تەڭگەنى قۇرايدى. تولىق سيكلدى توقىما فابريكاسىندا 11 سەح جۇمىس ىستەيدى دەپ جوسپارلانعان. وندا ماقتانى ءيىرۋ، ماتا ءوندىرۋ، بوياۋ، وڭدەۋ جۇمىسى جۇرەدى. ءوندىرىس قۋاتتىلىعى جىلىنا 13 مىڭ توننا ءيىرىمجىپ، 50 ملن مەتر ءۇي توقىماسىن، 7 ملن جيىنتىق توسەك ابزەلدەرىن قۇرايدى. 2000-نان استام جۇمىس ورنى قۇرىلادى.
