Túrkistan oblysynyń ákimi Nuralhan Kósherov oblys ortalyǵyndaǵy Arnaiy ekonomikalyq aimaqta qurylysy júrip jatqan zaýyttardaǵy jumyspen, jobalarmen tanysty. Atqarylyp jatqan isterdi saralap, investorlarmen aldaǵy josparlar jóninde pikir almasty, – dep habarlaidy Dalanews.kz Túrkistan oblysy ákiminiń baspasóz qyzmetine silteme jasap.
Óńir basshysy «PSI Mineral Technologies» JShS Túrkistan qalasyndaǵy taý-ken metallýrgiia keshenine arnalǵan aýyr tehnika shyǵaratyn zaýytynyń qurylysyn qadaǵalady. Zaýyt direktorynyń aitýynsha, jobanyń qýaty – jylyna 956 tonna, jobanyń quny – 8 323,4 mln tenge. Óndirilgen tehnikalar elimizge jáne shetelderge saýdalanbaq. Qurylys jumystary kestege sai júrýde, birinshi kezeńi biyl iske qosylady.
– Oblys ákimdigi tarapynan jer, infraqurylym, qujattandyrýǵa qatysty máselelerdi sheship beremiz. Sizder ár jobany ýaqtyly júzege asyryp, iske qosýlaryńyz kerek. Jergilikti turǵyndardyń jumyspen qamtylýyna mán beriledi. Maqsatymyz – óndiristi damytý, – dedi Nuralhan Kósherov.
Nuralhan Kósherov «Altyn dala maqta» JShS-niń Túrkistan qalasyndaǵy biriktirilgen qoimasy bar PVH qubyrlaryn shyǵaratyn zaýytynyń jumysyn kórdi. Bul zaýyt jylyna 1,44 mln metr qubyr shyǵarýǵa qaýqarly. 60 adam jumyspen qamtylǵan.
Odan keiin oblys ákimine «Túrkistan maqta agroónerkásip kesheni» JShS-niń maqta fabrikasy men tsehtarynyń qurylysy tanystyryldy. Jumys qarqyndy júrýde. Jobanyń quny 146,8 mlrd teńgeni quraidy. Tolyq tsikldi toqyma fabrikasynda 11 tseh jumys isteidi dep josparlanǵan. Onda maqtany iirý, mata óndirý, boiaý, óńdeý jumysy júredi. Óndiris qýattylyǵy jylyna 13 myń tonna iirimjip, 50 mln metr úi toqymasyn, 7 mln jiyntyq tósek ábzelderin quraidy. 2000-nan astam jumys orny qurylady.
