ارمەنييا پارلامەنتٸ ۆيتسە-سپيكەرٸ رۋبەن رۋبينيان رەسەيلٸك ناسيحاتشى ۆلاديمير سولوۆيوۆتٸڭ مەلٸمدەمەسٸنە قاتىستى پٸكٸر بٸلدٸرٸپ, ونى بەلگٸلٸ مەتەلدەگٸ "يتكە" تەڭەدٸ, دەپ حابارلايدى Dalanews.kz.
"يت ٷرەدٸ, كەرۋەن كٶشەدٸ. بۇل جاعدايدا يت - رەسەيلٸك كەسٸپكەر سامۆەل كاراپەتياننىڭ جاقىن دوسى ەرٸ وتانداسى سولوۆيوۆ, ال كەرۋەن - بەيبٸتشٸلٸك پەن دامۋ جولىنا بەت العان سٷيٸكتٸ ەلٸمٸز", - دەپ جازدى ول Facebook جەلٸسٸندەگٸ پاراقشاسىندا.
ەسكە سالايىق, بۇعان دەيٸن رەسەيلٸك ناسيحاتشى ۆلاديمير سولوۆيوۆ مەسكەۋ "ارنايى ەسكەري وپەراتسييانى" تەك ۋكراينا اۋماعىندا ەمەس, پوستكەڭەستٸك كەڭٸستٸكتەگٸ ٶزگە ەلدەردە دە باستاۋى مٷمكٸن ەكەنٸن مەلٸمدەگەن ەدٸ.
ونىڭ ايتۋىنشا, رەسەي ٷشٸن ەڭ قاۋٸپتٸ ٶڭٸرلەردٸڭ قاتارىنا ارمەنييا مەن ورتالىق ازييا ەلدەرٸ جاتادى. سولوۆيوۆ بۇل ايماقتاردىڭ ۇلتتىق قاۋٸپسٸزدٸك تۇرعىسىنان سيرييا نەمەسە ۆەنەسۋەلاداعى جاعدايدان ەلدەقايدا ماڭىزدى ەكەنٸن اتاپ ٶتتٸ.
"ارمەنييادان ايىرىلۋ - اسا ٷلكەن مەسەلە. ازيياداعى, ناقتىراق ايتقاندا ٶزدەرٸ ورتالىق ازييا دەپ اتايتىن ٶڭٸردەگٸ تٷيتكٸلدەر - بٸز ٷشٸن اۋقىمدى قاتەر. سوندىقتان ماقساتتارىمىز بەن مٸندەتتەرٸمٸزدٸ اشىق ەرٸ ناقتى ايقىنداۋ قاجەت. “ويىن اياقتالدى” دەپ تۋرا ايتۋ كەرەك. حالىقارالىق قۇقىق پەن حالىقارالىق تەرتٸپكە سٷيەنۋدٸڭ قاجەتٸ جوق. ەگەر ۇلتتىق قاۋٸپسٸزدٸگٸمٸز ٷشٸن ۋكراينادا ارنايى ەسكەري وپەراتسييا باستاۋعا مەجبٷر بولساق, دەل وسى ۋەجبەن ٶزٸمٸز ىقپال ايماعى دەپ سانايتىن باسقا ٶڭٸرلەردە دە وسىنداي قادامعا بارۋعا نە كەدەرگٸ?", - دەگەن ەدٸ ول.
ايتا كەتەيٸك, قازاقستاندىق ساياساتتانۋشى عازيز ەبٸشەۆ تە رەسەيلٸك ناسيحاتشى ۆلاديمير سولوۆيوۆتٸڭ ورتالىق ازييا مەن كاۆكازعا قاتىستى داۋلى مەلٸمدەمەسٸنە پٸكٸر بٸلدٸرگەن ەدٸ.
ەبٸشەۆتٸڭ ايتۋىنشا, سولوۆيوۆتٸڭ سٶزدەرٸ كرەملدٸڭ سىرتقى ساياسي سيگنالدارىنىڭ بٸرٸ بولۋى مٷمكٸن نەمەسە جەكەلەگەن ساياسي دەمارش رەتٸندە دە قاراستىرىلۋى ىقتيمال. ول مۇنداي جارييا ەرٸ سەبەپسٸز مەلٸمدەمەلەردٸ وداقتاس ەلدەرگە قاتىستى مەملەكەتارالىق قارىم-قاتىناس ەدەبٸنٸڭ بۇزىلۋى دەپ باعالادى.
"گەوساياسي مٷددەنٸ اشىق ايتۋ - بٸر مەسەلە, ال كٶرشٸ ەلدەرمەن ىقتيمال ەسكەري قاقتىعىسقا قوعامدى الدىن الا پسيحولوگييالىق تۇرعىدا دايىنداۋ - مٷلدە بٶلەك", - دەدٸ ساياساتتانۋشى.
سونداي-اق ول مۇنداي ٶشپەندٸ ريتوريكا قازاقستان سەكٸلدٸ ەلدەردٸڭ كٶپۆەكتورلى ساياسات جٷرگٸزۋٸنە قاتىستى ورىنسىز كٷدٸك تۋدىراتىنىن اتاپ ٶتتٸ. ونىڭ سٶزٸنشە, دەل وسىنداي مەلٸمدەمەلەردەن كەيٸن ٶزگە مەملەكەتتەرمەن, ونىڭ ٸشٸندە ەسكەري ىنتىماقتاستىقتى دامىتۋ تەرٸس قابىلدانا باستايدى.
