ءبىر مىڭعا جۋىق تۇرعىنى بار ەلدى مەكەندە وتكەن شاراعا ارىس اكىمى گۇلجان قۇرمانبەكوۆا مەن اۋىل تۇرعىندارى قاتىستى.
شاعىرلىق جەكە كاسىپكەر قادىرعالي ساتىمبەكوۆتىڭ دەمەۋشىلىگىمەن ىسكە اسىرىلعان جوبا اياسىندا بۇدان بىلاي قوعام اراسىندا سالاۋاتتى ءومىر سالتىن ۇستاناتىن ازاماتتار مەن سپورتتى جانىنا سەرىك ەتەتىن تۇرعىندار قاتارى كوبەيە تۇسەتىن بولدى.
جيىندا ءسوز سويلەگەن ارىس اكىمى ۇلت ساۋلىعىن نىعايتۋعا باعىتتالعان يگى شارالارعا قولداۋ كورسەتكەن كاسىپكەرلەرگە العىسىن ايتتى.
جالپى قۇنى 32 ميلليون تەڭگەنى قۇرايتىن نىساندا مىڭ شارشى مەتردەن اساتىن كىشى فۋتبول الاڭشاسى بار. 1 مىڭ شارشى مەترگە جاياۋ جۇرگىنشىلەر جولاعى سالىنىپ، تالاپقا ساي جارىقتاندىرىلعان. سونىمەن قاتار، سپورت الاڭشاسىنىڭ ماڭىندا شاعىن دەمالىس ايماعى سالىنعان.
ايتا كەتەيىك، ارىس قالاسى مەن اۋىلدىق وكرۋگتەردە 86 ۆوركاۋت پەن ويىن جانە سپورت الاڭشاسى پايدالانۋعا بەرىلگەن. بۇل – 87ء-شى نىسان. 78 نىسان بيۋدجەت ەسەبىنەن، 7ء-ى دەمەۋشىلەر ەسەبىنەن جۇزەگە اسىرىلدى.
