V دٷنيەجٷزٸلٸك كٶشپەندٸلەر ويىندارىندا الىپتار سايىسى بويىنشا ازامات ماقۇلبەكوۆ جەڭٸمپاز اتاندى. كٶرەرمەن كٶز تٸككەن تارتىستى بەسەكەدە ارىستىق پالۋان قارسىلاس شاق كەلتٸرمەي توپ جارىپ, التىن مەدالدى جەڭٸپ الدى, – دەپ حابارلايدى Dalanews.kz تٷركٸستان وبلىسى ەكٸمٸنٸڭ باسپاسٶز قىزمەتٸنە سٸلتەمە جاساپ.
الىپتار بەسەكەسٸندە 16 ەلدەن كەلگەن 16 پالۋان بٸلەكتٸڭ كٷشٸن كٶرسەتٸپ سىنعا تٷستٸ. ابسوليۋت سالماق دەرەجەسٸندە سىنعا تٷسكەن سپورتشىلار بەس سايىستان ٶزارا مىقتىنى انىقتادى.
اتاپ ايتقاندا,100 كەلٸ تاستى كٶتەرٸپ, ونى 10 مەترگە جىلجىتۋ, 100 كەلٸلٸك قاپپەن وتىرىپ تۇرۋ, 10 كەلٸلٸك ناي̆زانى وڭ نەمەسە سول قولمەن 10 مەتر قاشىقتىقتا تۇرعان نىساناعا لاقتىرۋ, 130 كەلٸلٸك بٶرەنەنٸ يىعىنا سالىپ, وتىرىپ تۇرۋ, سالماعى 500 كەلٸ اربانى 10 مەترگە سٷي̆رەۋ بويىنشا سىنعا تٷستٸ.
تٷركٸستان وبلىسى, ارىس قالاسىنىڭ قايراتتى ازاماتى ازامات ماقۇلبەكوۆ بٶرەنە كٶتەرۋ سايىسىندا 130 كەلٸ بٶرەنەنٸ 38 رەت كٶتەرٸپ ٶز رەكوردىن جاڭارتتى. سونداي-اق اۋىر نايزانى نىساناعا لاقتىرۋ سايىسىندا دا ەڭ ٷزدٸك نەتيجەنٸ كٶرسەتتٸ.
اقتىق سىندا, ازامات ماقۇلبەكوۆ 100 كەلٸ سالماقتاعى سەركەنٸ 7 رەت كٶتەردٸ. جارىسقا قاتىسۋشىلار ٸشٸندە سالماعى ەڭ از بولسا دا, جەرلەسٸمٸز جارتى توننالىق اربانى قۇمنىڭ ٷستٸندە 12,9 مەترگە سٷيرەدٸ. قورتىندىسىندا, قازاقستاندىق الىپ بارلىق كەزەڭدە كٶش باستاپ, جەڭٸمپاز اتاندى.
جالپى الىپتار بەسەكەسٸنە يسپانييا, ٷندٸستان, قىتاي, كۋۆەيت, تاتارستان, يران, رەسەي قاتارلى 16 مەملەكەتتەن 16 سپورتشى باق سىناعان بولاتىن.
